Усяго патроху22

Дзе шукаць кажана-гіганта і рабога сусліка? Сем захапляльных фактаў пра дзікую прыроду Беларусі

Пад Нясвіжам знаходзіцца самая вялікая калонія рабых суслікаў у Еўропе, а на палескіх балотах жыве кажан-гігант. Пра цікавыя факты аб беларускай прыродзе піша канал «Дзікая прырода побач».

Скрыншот відэа «Беларусь 1»

1. Палессе — самы вялікі рэгіён Еўропы з амаль некранутымі водна-балотнымі ўгоддзямі. Яго называюць еўрапейскай Амазоніяй. Беларускае Палессе займае амаль траціну плошчы краіны.

2. У Беларусі былі адкрыты новыя для навукі расліны: казлабарод беларускі і шальнік ранні. Яны сфарміраваліся ва ўнікальных прыродных умовах Палесся, якія мала змяніліся за апошнія тысячагоддзі.

3. Прыпяцкія дубровы — найбольш захаваныя ў натуральным стане паплаўныя лясы ва ўсёй Еўропе. Вясной, калі паводкі, можна літаральна плаваць на лодцы паміж дрэвамі. 

Дзякуючы прасторы, дубы шырокія і разгалістыя, некаторыя ствалы — больш за метр у дыяметры. На гэтых дубах шмат ран і дуплаў, у якіх селяцца жывёлы, у тым ліку рэдкія пугач, сіваграк, белая сініца, соня-палчок і розныя віды кажаноў. 

4. Пад Нясвіжам знаходзіцца самая вялікая калонія рабых суслікаў у Еўропе — і адна з апошніх у Беларусі. Яна ахоўваецца дзяржавай. Яе плошча складае больш за 90 га, тут пражывае больш за 5000 суслікаў! 

5. У Беларусі гняздуецца другая ў свеце па памерах папуляцыя вялікіх арляцоў, якім пагражае глабальнае знікненне. Большасць іх родам з Палесся. Зараз пачынаецца іх міграцыя з месцаў зімоўкі. 

6. У нашай краіне гняздуецца самая вялікая ў свеце папуляцыя вяртлявай чаротаўкі. Гэта самая рэдкая пеўчая птушка кантынентальнай Еўропы.

Частку птушак перасялілі з рэспубліканскага заказніка «Званец» у літоўскі рэзерват «Жувінтас», дзе яны амаль зніклі. Гэта быў першы ў свеце паспяховы эксперымент з транслакацыяй вераб’іных птушак — дальніх мігрантаў.

Палескі заказнік «Званец» — гэта найвялікшае ў Еўропе асаковае балота і найбуйнейшае ў свеце месца гнездавання вяртлявай чаротаўкі: тут гняздуецца 27% глабальнай колькасці віду.

7. На палескіх балотах жыве самы рэдкі і самы вялікі кажан Еўропы — гіганцкая вячэрніца. Яна важыць 80 грам і можа паляваць нават на дробных птушак! 

Гэты від пераадкрыў для Беларусі ў 2015 годзе заолаг Валер Дамброўскі ў палескім заказніку «Стары Жадзен», які разам з заказнікам «Альманскія балоты» ўтварае адзін з найвялікшых у Еўропе леса-балотных комплексаў. 

Дагэтуль у краіне гэты від назіралі толькі аднойчы ў 1930 годзе. Найбліжэйшыя месцы, дзе размнажаюцца гэтыя кажаны, — Венгрыя на захадзе і Уральскія горы на ўсходзе.

Каментары2

  • сёння Всемирный день дикой природы (World Wildlife Day) mart/3
    03.03.2023
    Палессе - наша багацце
  • Паўлюк Багрым - Зайграй, зайграй, хлопча малы… (1828)
    04.03.2023

    Ой, кажане, кажане!
    Чаму ж ня сеў ты на мяне?
    Каб я большы не падрос
    Ды ад бацькавых калёс.

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Miss Kraken: сакрэтная ўкраінская сістэма выглядае як навуковая фантастыка, але ўжо працуе на фронце3

Жэрар Дэпард'ё прызнаў сваю віну ў сэксуалізаваным гвалце4

Ці пагражае Крыму блакада праз паралізаваны Крымскі мост?17

Украінцы нанеслі моцны ўдар па расійскіх радарах і станцыях РЭБ4

Інстытуты сацыялогіі і філасофіі Акадэміі навук аб'яднаюць у адзін8

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць