Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства
Гамяльчанка Настасся Паляк, яка цяпер жыве ў Польшчы, падзялілася, як на яе з прапановай аб супрацоўніцтве выйшлі маркетолагі з кітайскага маркетплэйса Temu. Але ўрэшце перадумалі.

«Сітуацыя, ад якой падгарэла дупа», — падрабязнасцямі дзяўчына падзялілася ў Threads.
Настасся — псіхолаг па адукацыі, але зараз зарабляе на жыццё фота і відэаздымкай. Ацаніўшы яе стыль як фатографкі, да яе і звярнуліся з Temu, прапанаваўшы супрацоўніцтва ў адным з новых праектаў. Менеджарка запытала ў Насты расцэнкі за стварэнне рылса і яны пачалі абмяркоўваць дэталі.

«Я падумала, чаму б і не паспрабаваць нешта новае. Тым больш і відэа здымаю, і перыядычна нешта на Temu заказваю», патлумачыла сваю матывацыю фатографка.
Амаль тыдзень яна перапісвалася з прадстаўнікамі Temu, ёй прапаноўвалі ўсё новыя фарматы.
«І калі мы ўжо быццам усё абмеркавалі, мне прылятае пытанне, ці не руская я, — падзялілася Настасся. «Я беларуска і жыву ў Польшчы, акаўнт пераважна вяду на рускай. Да гэтага мы абмяркоўвалі, што відэа я зраблю на польскай мове для польскай аўдыторыі. Але ад іх апошняга паведамлення ў мяне скончылася апошняя нервовая клетка».

З афіцыйнага акаўнта Temu фатографцы напісалі — цяпер ужо на англійскай мове, — што «не могуць супрацоўнічаць з крэатарамі з Беларусі».
«Мне не шкада, што не будзе калабарацыі з Temu. Мне шкада згубленага часу і як бесталкова будуюць ліставанне іх адміны ў сацсетках. І так — прадаваць беларусам у Еўропе ок, а працаваць з намі не ок? Ці гэта іншае?» — задаецца пытаннем Настасся.
Філіялы Temu працуюць па ўсім свеце, у тым ліку ў Еўропе, але варта разумець, што асноўная доля тавараў для спажыўцоў дастаўляецца з Кітая, з якім і Беларусь і Расія маюць партнёрскія стасункі.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары
А так цалкам можа быць карпаратыўная шыза. Палонныя супрацоўнікі выконвалі загад па пошуку інфлюенсераў. Мабыць, і не адзін супрацоўнік вырашаў задачу.
А ведь Китай официально никаких санкций против России и Беларуси не принимал, что не помешало, например, алиэксрессу сразу же после началa СВО лишить россиян и белорусов всех купонов