Свет

Першае пасля вагнераўскага мяцяжу з'яўленне Шайгу на публіцы аказалася «кансервай». І вось пра што гэта можа сведчыць

Міністр абароны Сяргей Шайгу ўпершыню сёння з'явіўся на публіцы з моманту вайсковага бунту ПВК «Вагнер». Але, па звестках прарасійскіх ваенкараў, відэа з ім запісалі яшчэ ў пятніцу. Публікацыя такога відэа ў панядзелак можа сведчыць пра тое, што Шайгу захавае сваю пасаду, як піша «Агентство».

На гэтым здымку з відэазапісу, апублікаванага 26 чэрвеня 2023 г. прэс-службай Мінабароны Расіі, відаць, як міністр абароны Сяргей Шайгу ляціць на вайсковым верталёце для агляду пазіцый расійскіх войскаў у неназваным месцы ва Украіне. Фота: прэс-служба Мінабароны РФ праз AP

Тэлеканал «Звязда» апублікаваў відэа паездкі Шайгу ў пункт кіравання Заходняй групоўкай войскаў у зоне баявых дзеянняў. На кадрах паказаны палёт і пасяджэнне, але гук відэа адключаны.

Блізкі да Мінабароны РФ тэлеграм-канал «Рыбарь» выказаў здагадку, што відэа — «кансерва» (так называюць загадзя запісаныя відэа, якія пазней улады выдаюць за знятыя ў пазнейшыя даты). «Рыбарь» мяркуе, што відэа знялі яшчэ да пачатку бунту Прыгожына. У сваіх высновах канал прыводзіць інфармацыю вайсковага блогера Барыса Рожына. У пятніцу той паведамляў пра візіт Шайгу ў Белгародскую вобласць.

Былы амбасадар ЗША ў Расіі Майкл Макфол адгукнуўся на гэту падзею. Ён напісаў у твітары, што з'яўленне відэа з Шайгу — гэта «сігнал, што яго не знімуць». «Прынамсі, цяпер», — удакладніў ён у іншым допісе.

«Прысутнасць на кадрах разам з Шайгу Яўгена Нікіфарава і Міхаіла Зусько сведчыць, што яны захавалі пасады камандуючага і начальніка штаба Заходняй ваеннай акругі», — напісаў таксама ваенны аналітык Роб Лі.

Шайгу і Герасімава, якіх Прыгожын абвінаваціў у правалах расійскага войска, не бачылі з моманту пачатку бунту. Гэта нават спарадзіла чуткі сярод ваенкараў пра тое, што Шайгу прыбяруць з пасады міністра, а яго месца зойме губернатар Тульскай вобласці Аляксей Дзюмін.

Усяго раз з'яўляўся падчас бунту і сам Уладзімір Пуцін. Ён запісаў зварот на камеру з невядомага месца. Нарадаў з яго ўдзелам паказана не было. Аналіз відэа палётаў прэзідэнцкіх бартоў у выхадныя можа сведчыць пра тое, што прэзідэнт РФ у суботу ад'язджаў у сваю рэзідэнцыю на Валдаі.

З вечара суботы няма паведамленняў у тэлеграм-канале прэс-службы Прыгожына. Спробы журналістаў звязацца з Прыгожыным скончыліся няўдачай.

Як стала вядома «Коммерсанту», на раніцу 26 чэрвеня крымінальная справа аб арганізацыі ўзброенага бунту (арт. 279 КК РФ), галоўным фігурантам якой стаў заснавальнік ПВК «Вагнер» Яўген Прыгожын, не спыненая. 

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў1

У Польшчы арыштавалі прадстаўнікоў незвычайнага бізнэсу. Яны за плату на пэўны час пераводзілі грошы кліентам, якім патрэбныя былі польскія ДНЖ4

Пуцін, Трамп і Сі паціснулі адзін аднаму рукі і коратка пагутарылі 7

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку10

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць