Грамадства

«Ён хацеў просты крыж». Жонка першага кіраўніка незалежнай Беларусі расказала, якім будзе помнік на яго магіле

Жонка экс-старшыні Вярхоўнага Савета Беларусі Станіслава Шушкевіча распавяла «Народнай Волі», чаму праз год пасля яго смерці на магіле не паставілі помнік.

Станіслава Шушкевіча не стала 3 мая 2022 года. Яго пахавалі на Паўночных могілках.

Цяпер на магіле Станіслава Станіслававіча — насып жоўтага пяску, вянкі, лампадкі, драўляны крыж…

— Я рэгулярна бываю на могілках, прыбіраю магілу, — кажа Ірына Шушкевіч, жонка экс-старшыні Вярхоўнага Савета Беларусі. — Але з помнікам вырашылі не спяшацца і паставіць яго ў красавіку наступнага года. Там жа і сястра мая ляжыць побач.

— Ужо вырашылі, які будзе помнік?

— Станіслаў Станіслававіч сказаў выразна, што ён хоча просты крыж без усялякай вычварнасці. Так што плануем паставіць чорны гранітны крыж, на якім зверху будзе надпіс — Станіслаў Шушкевіч, а таксама гады яго жыцця.

Цяпер мы ўсё абмяркоўваем, абдумваем, і справа застанецца толькі за рэалізацыяй. Мы ўжо звязаліся з фірмай па вырабе помнікаў, але праект пакуль не гатовы.

Зрэшты, ніхто і не спяшаецца — за год усё паспеем зрабіць. Лепш павольней, але якасней.

— Як цяпер ваша жыццё складваецца — пасля смерці Станіслава Станіслававіча?

— Першы час, безумоўна, было вельмі цяжка ў псіхалагічным плане, але, як кажуць, жыццё ўсё роўна працягваецца.

Жывём у мінскай кватэры разам з сынам, ён мяне, вядома, усяляк падтрымлівае.

У кабінеце мужа нічога не мяняла, там усё застаецца на сваіх месцах. Такі своеасаблівы музей у адным пакоі.

— Больш на лецішчы бываеце ці ў Мінску?

— Калі трэба нейкія справы вырашаць, прыязджаю ў Мінск. Калі добрае надвор'е, еду на дачу.

Дарэчы, у нас там тры цяпліцы, калі муж быў жывы, мы вырошчвалі ў іх і агуркі, і памідоры, і перцы.

Але цяпер усе яны пустуюць — нічога не саджала.

Гарбуз пасадзіла на градках, а больш нічога. Гарбуз сам расце, паліваць практычна не трэба, сонца хапае. Вельмі зручна.

А памідоры і агуркі пры такой засусе трэба было паліваць кожны дзень. Трэба ўвесь час сядзець на лецішчы. Але ў горадзе справы ёсць, ды і зямля няхай адпачне.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць