Навука і тэхналогіі22

Якія звесткі беларусаў уцяклі ў сетку праз узлом буйных крам

Сёння стала вядома, што ў сеціва «ўцяклі» звесткі каля 730 тысяч карыстальнікаў інтэрнэт-крамы «Востраў чысціні». Пару дзён таму ўзламалі «Буслік», выкраўшы звесткі 220 тысяч беларусаў. Распавядаем, якія менавіта звесткі беларусаў трапілі ў адкрыты доступ.

Фота: Science Photo Library/CC BY-NC

Для крамы «Востраў чысціні» гэта другая ўцечка за апошні год. Мінулы раз зліта было каля 150 тысячаў запісаў. Мы вывучылі мінулую базу, і вось што там утрымліваецца (сцвярджаецца, што звесткі ў новай такія ж):

імя, прозвішча, нумар тэлефона, электронная пошта і адрас жыхарства. Часта ніякай інфармацыі няма, бо гэтыя звесткі неабавязковыя і людзі іх не ўказалі.

Таксама былі ўзламаны серверы і скрадзены асабістыя звесткі 220 тысяч беларусаў з крамы Buslik.by. Там утрымліваюцца імёны, нумары тэлефонаў і адрасы электроннай пошты (калі вы іх указалі).

А якія яшчэ звесткі пра беларусаў «уцяклі» летась?

Найбуйнейшая ўцечка пра беларусаў у мінулым годзе звязаная з крамай «Суседзі». У ёй звесткі 630 тысяч беларусаў (тэлефон, імя, адрас, дата нараджэння). Пасля яе — база сэрвісу дастаўкі ежы just-eat.by, у якой амаль 240 тысяч нумароў (да іх прывязаны таксама адрас). Пазней — база «Яндэкс.Ежы», у якой 206 тысяч унікальных тэлефонаў беларусаў разам з імёнамі і адрасамі. Яшчэ адна база — расійскі сэрвіс сеткавага маркетынгу NL International. Там утрымліваюцца даныя дзясяткаў тысяч беларусаў (імя і прозвішча, тэлефон, емэйл, адрас), а для дылераў NL — і нумар пашпарта.

Адбываліся і меншыя злівы звестак — з Белгазпрамбанка (42 тысячы запісаў) і Нацыянальнага цэнтра маркетынгу і кан'юнктуры цэн (55 тысяч запісаў). Уключна з ранейшай уцечкай, у асноўным з расійскіх сэрвісаў, варта канстатаваць, што ў сеціве даступныя нейкія звесткі амаль пра любога беларуса, які карыстаецца паслугамі буйных кампаній.

У чым небяспека і што можна зрабіць?

Небяспека ў тым, што любы чалавек у выпадку «зліцця» вашых даных можа скарыстацца гэтымі звесткамі супраць вас. Да прыкладу, ведаючы ваша прозвішча, адшукаць ваш тэлефон або актуальны адрас жыхарства (у некаторых нават нумар пашпарта). Таксама такія звесткі — гэта асноўная крыніца інфармацыі для сэрвісаў «прабіць» людзей, якімі карыстаюцца ў тым ліку і беларускія спецслужбы.

Калі вы хочаце абараніцца ад уцечкі, то проста не ўказвайце вашы сапраўдныя даныя ва ўсіх сэрвісах. Калі вы ўжо патрапілі ў такую сітуацыю, то адзіны варыянт — змяніць тую інфамацыю, што трапіла ў сеціва.

«Наша Нiва» — бастыён беларушчыны

ПАДТРЫМАЦЬ

Каментары2

  • даведка
    06.07.2023
    Скажите спасибо за это ОАЦ, а если хакеры ещё получат доступ к каналам СОРМ, то всё это просто померкнет...
  • умка
    06.07.2023
    ну. і потым звоняць розныя махляры

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць