Нерухомасць

Як выглядае элітны клубны квартал нулявых у Мінску

Кватэра ў ім цяпер прадаецца за 900 тысяч даляраў.

Фота: blisch.by

У ціхім кутку Фрунзенскага раёна, проста каля лесапарку, схаваны закрыты квартал малапавярховай забудовы сярэдзіны нулявых. Сярод бонусаў тутэйшых клубных дамоў — закрытая тэрыторыя, аўтаномнае газавае ацяпленне, цёплыя гаражы і суседства з прыродай. Пра квартал піша Realt.

Закрыты квартал Мядзвежына — адна з самых нетыповых лакацый заходняй часткі Мінска. Калі суседнія вуліцы Адзінцова, Адоеўскага і Прытыцкага забудаваныя звычайнымі шматпавярховікамі, то тут сфарміраваўся своеасаблівы прэміяльны анклаў. Квартал утварылі тры вуліцы: Утульная, Яркоўская і Прывабная. У выніку атрымаўся закрыты гарадок, які складаецца з прыватных катэджаў і чатырох малапавярховых дамоў.

Уся тэрыторыя квартала агароджана плотам і знаходзіцца пад кіраваннем таварыства ўласнікаў нерухомасці «Мядзвежына». Тут ёсць як катэджы, так і шматкватэрныя дамы. Нягледзячы на малую павярховасць, яны абсталяваны ліфтамі — рэдкая опцыя для пяціпавярховікаў таго часу. На лесвічных пляцоўках тут размешчана па дзве кватэры, прадугледжаны прасторныя холы.

З незвычайнага — у кватэрах устаноўлена аўтаномная сістэма ацяплення (індывідуальныя газавыя катлы), што дазваляе жыхарам не залежаць ад сезонных адключэнняў. Для аўтамабіляў уладкаваны падземныя паркінгі і цёплыя індывідуальныя гаражы проста ў цокалі, а таксама гасцявыя паркоўкі ў двары.

Вышыня столяў у дамах вар'іруецца ад 2,86 да 3 метраў. У будынках прадстаўлены прасторныя трох– і чатырохпакаёвыя кватэры, а верхнія ўзроўні (4—5 паверхі) займаюць двухузроўневыя пентхаусы плошчай больш за 200 квадратаў.

Цяпер тут прадаецца толькі адзін варыянт — двухузроўневая кватэра ў доме па адрасе Утульная, 6. Гэты малапавярховік была пабудаваны ў 2006 годзе і адносіцца да жылля павышанай камфортнасці.

Фота: realt.by

Агульная плошча кватэры складае 218 квадратных метраў. Жыллё размяшчаецца на 4 паверсе і прадаецца разам з уласным гаражом. У кватэры зроблены дызайнерскі рамонт. Планіроўка складаецца з кухні-гасцінай, некалькіх спальняў, трох санвузлоў і гардэробнай з пральняй.

У велізарнай гасцінай — панарамныя вокны з маляўнічым відам на зялёную паркавую зону. На падлозе ляжыць паркетная дошка, а таксама італьянскі керамаграніт з падагрэвам.

Фота: realt.by

На кухні ўбудаваная мэбля з бытавой тэхнікай: варачная газавая панэль, духавая шафа, выцяжка, мікрахвалевая печ, посудамыйная машына, двухкамерны халадзільнік, а таксама абедзенная група (стол і крэслы).

У адной са спальняў уладкавана зона рэлаксу каля акна.

Прадаюць незвычайную кватэру за 2,7 мільёна рублёў, або за 901 тысячу даляраў.

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць