Нядаўна ЕС абвясціў пра ўвядзенне санкцый супраць расійскай бізнэсвумен.

Таццяна Кім перастала быць гендырэктаркай Wildberries. Гэта вынікае з расійскага Адзінага дзяржаўнага рэестру юрасоб.
Гэтую пасаду з 19 лістапада заняў Аляксей Кулікоў.
Таццяна Кім працягне займацца стратэгічным развіццём групы RWB (Wildberries уваходзіць туды з 2024 года). Змена гендырэктара «Вайлдберыз» не ўплывае на аперацыйную дзейнасць кампаніі, заявілі ў прэс-службе RWB.
Кулікоў былы супрацоўнік расійскага МУС. Як высветлілі ВЧК-ОГПУ і Rucriminal.info, Кулікоў раней працаваў у адным з упраўленняў унутраных сіл Масквы, а потым уся яго дзейнасць была звязаная са структурамі «Рус Аўтдор» братоў Роберта і Левана Мірзаянаў, дзе ён адказваў за бяспеку. У 2024 годзе Кулікоў быў прызначаны адначасова намеснікам начальніка дэпартамента карпаратыўнай бяспекі «Вайлдберыз», на аналагічную пасаду ў RWB і гендырэктарам «ВБ Інжынірынг».
ЕС раней паведаміў аб увядзенні санкцый супраць Кім. Яе кампанія, як напісана ў дакуменце праекта, «працуе як сетка забеспячэння расійскіх вайскоўцаў, спрыяючы продажу тавараў вайсковага і падвойнага прызначэння».
Таксама ў абгрунтаванні згадваецца стратэгічнае партнёрства кампаніі з дзяржаўным расійскім банкам ВТБ, які ўжо знаходзіцца пад санкцыямі ЕС.
Цяпер чытаюць
Праектавалі кароўнікі і акумулятарны завод, а цяпер узяліся за барока. З велічнага езуіцкага калегіума ў Пінску збіраюцца збіць увесь тынк — а ён быў распісаны фрэскамі
Каментары