Моды22

Ад біксі да шэгі. Трэндавыя прычоскі беларускіх зорак

Паглядзелі, якія стрыжкі і ўкладкі будуць у трэндзе ў найбліжэйшыя месяцы, і знайшлі беларускіх зорак, якія іх носяць.

Біксі

Стрыжка Bixie — сучасная камбінацыя папулярных раней прычосак піксі і боб. Гэта кароткая прычоска — сапраўдны хіт сезона. Біксі ёсць працягам трэнду Old Money і адсылае нас да стылю брытанскай залатой моладзі. Аснова стрыжкі — касая грыўка, лёгкая нядбайнасць і паголеныя скроні.

Такі варыянт асабліва падыдзе ўладальніцам непаслухмяных валасоў, бо чым «упарцей» яны паводзяць сябе пры сушэнні, тым больш стыльны атрымліваецца лук. Трэндавую стрыжку носіць баскетбалістка Кацярына Сныціна.

Сыціна Каця
Фота: інстаграм Кацярыны Сныцінай

Ультракароткі паж

Варыянт для самых смелых — ультракароткая стрыжка ў спалучэнні з афарбоўкай блонд. Рашаючыся зрабіць такую, ведайце, што гэта прычоска добра глядзіцца на дзяўчатах з правільнымі рысамі твару. Акрамя таго, яна патрабуе ідэальнага тону скуры.

Не баіцца смелых вобразаў тэлевядучая Каця Пытлева.

Каця Пытлева
Фота: інстаграм Кацярыны Пытлевай

Стрыжкі ў стылі вясёлых 80-х

Б'юці-майстроў не адпускае настальгія па шумных гадах. Але калі на подыумах мы часцей сустракаем гіпертрафаваныя завіўкі ў стылі поп-дзіваў 80-х, то ў сацыяльных сетках трэнды некалькі іншыя. Напрыклад, у інтэрнэт-зорак большай папулярнасцю карыстаюцца сціплыя стрыжкі — шэгі і малет.

Аб'ём, зроблены па тыпе звыклай нам «ваўчыцы», падтрымліваецца няроўным зрэзам. У выніку атрымліваецца нядбайная і лёгкая ўкладка. Як гэтая стрыжка носіцца ў рэальным жыцці, можна паглядзець на старонках CityDog у інстаграме і тыктоку — вядучая каналаў Аліна носіць менавіта такую.

Аліна Вербоўская
Фота: інстаграм Аліны

Дробныя кучаравінкі

Завіўкі зноў уваходзяць у моду. Гэтым разам у трэндзе дробныя кучаравінкі ў спалучэнні з каскаднай стрыжкай — як у спявачкі Русі. Чым больш аб'ёму атрымліваецца ад прычоскі — тым лепш, галоўнае — сачыць за валасамі і своечасова іх падкручваць. Інакш існуе высокая рызыка ператварыцца з моднай дзяўчыны ў копію Куклачова.

Уладальніцам натуральных кудзераў у плане трэнду пашанцавала. Але тым, каму трэба рабіць завіўку, хвалявацца таксама не варта: цяпер выкарыстоўваюцца спецыяльныя хімічныя саставы, якія не псуюць валасоў. З добрым доглядам якасць валасоў практычна не пацярпіць. 

Руся Шума
Фота: інстаграм спявачкі

Роўны зрэз

Самая простая ўкладка ў нашай падборцы — дагледжаныя прамыя валасы з роўным зрэзам. Гэта яшчэ адна мадыфікацыя моднага трэнду Old Money. Такая прычоска добра глядзіцца на натуральных валасах і валасах з афарбоўкай Air-touch. Простая, але модная стрыжка ўпрыгожвае спявачку Palina.

Паліна
Фота: інстаграм спявачкі

Грыўкі

Грыўкі вяртаюцца ў моду, прычым у розных варыянтах. У трэндзе мілыя падоўжаныя, як у опернай спявачкі Маргарыты Ляўчук, ці кароткія — у спалучэнні са стрыжкамі ў стылі мілітары. За малым справа — навучыцца грыўку ўкладваць. 

Маргарыта Ляўчук
Фота: інстаграм спявачкі

Уся гэтая прыгажосць заменіць прычоскі, якія выйшлі ў тыраж, напрыклад, двухузроўневыя яркія афарбоўкі, якія асабліва папулярныя сярод беларускіх айцішніц. Але дзяўчатам з яркімі валасамі не варта палохацца, бо самавыяўленне ў персанальным стылі важнейшае за трэнды.

Фота: unsplash.com

Укладкі ў стылі «галівудскай хвалі» таксама губляюць актуальнасць. Цяпер яны падыдуць выключна для тэматычных вечарынак у стылі «равучых дваццатых». Тым, хто жадае заставацца ў трэндзе, варта разгледзець варыянт мяккай хвалі на адзін бок.

кучары
Фота: unsplash.com

Новую прычоску дапоўніць правільна падабранае адзенне. Паглядзіце, якія колеры будуць у модзе гэтай восенню і як выгадна рабіць пакупкі ў час распродажу.

Каментары2

  • дочка Максима Дизайнера
    06.08.2023
    [Рэд. выдалена]
  • зачос
    06.08.2023
    ана першым фота эта мальчык или девачка ?

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць