Грамадства1010

«Ісці наперад з любоўю да тых, хто ідзе побач, і з верай у тых, хто будзе пасля нас». Ціханоўская звярнулася да беларусаў у Дзень Салідарнасці

Сёння — трэцяя гадавіна са дня выбараў 2020 года, які змяніў жыццё краіны і соцень тысяч беларусаў. Лідарка беларускай апазіцыі Святлана Ціханоўская запісала з гэтай нагоды відэазварот. 

«Гэты дзень мог бы стаць пачаткам новай Беларусі.

Беларусі, у якой ніколі не будзе палітзняволеных і пераследу за іншадумства.

Беларусі, дзе размова на роднай мове — нагода для захаплення, а не гвалту.

Беларусі, куды імкнуцца патрапіць, а не адкуль спяшаюцца з'ехаць.

У 20-м годзе мы разумелі, што кідаем выклік сістэме, якая існавала дзесяцігоддзямі. Рэжыму, што ставіў уладу вышэй за людзей. Аднак усё роўна крочылі наперад. Бо былі ўпэўненыя — праўда на нашым баку. 

Мінула тры гады. За гэты час нас спрабавалі пазбавіць мары. Пазбавіць блізкіх. Волі. Радзімы. Пазбавіць незалежнасці. Многім народам не давялося перажыць таго, што мы перажылі з 2020-га.

Раман Бандарэнка ды Вітольд Ашурак, Павел «Волат» ды Алесь Пушкін — боль рос ды множыўся штодня…

Але якім бы моцным ні быў гэты боль, я заўсёды працягвала верыць у нас, у беларусаў. Бо мы заставаліся нязломнымі. На гвалт ды рэпрэсіі мы адказвалі падтрымкай палітзняволеных і дапамагалі іх сем'ям. На спробы загнаць пад асфальт мову ды гісторыю — мы пераходзілі на беларускую і выдавалі кнігі. На імкненне пазбавіць краіну суверэнітэту — адказвалі партызанскімі акцыямі і мужнасцю на полі бою ва Украіне. 

Мы засталіся беларусамі — шчырымі, сумленнымі, неймавернымі. Мы прапусцілі праз сябе шмат болю, але не страцілі спагадлівасці. Мы зазналі нянавісць, але захавалі міласэрнасць. Мы прайшлі праз выпрабаванні, але загартаваныя вынеслі з іх новы досвед.

І працягваем рухацца.

Я разумею: гэта цяжка. І з кожным новым выклікам усё складаней захоўваць цвёрдасць крокаў. Але гэта толькі наш выбар: абясцэніць зробленае за тры гады, расчаравацца ў сабе і ў сваёй нацыі — ці захаваць у памяці ўсе важныя моманты, зберагчы ў сэрцы тых, каго мы страцілі на гэтым шляху. І працягнуць ісці наперад. З любоўю да тых, хто ідзе побач і з верай у тых, хто будзе пасля нас», — сказала Ціханоўская.

Каментары10

  • Тайгер Вудс
    09.08.2023
    Бла-бла-бла
  • Хьюдж Кок
    09.08.2023
    Сколько уже можно ныть и давить на жалость? Может уже что-нибудь конструктивное сказала бы?
  • Мойша
    09.08.2023
    Палымяныя словы без сэнсу і логікі. А што зроблена, Светачка, акром таго што Беларусі фактычна частка эрэфіі нічога.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць