Культура11

У Полацку падчас раскопак на стадыёне знайшлі старажытны «квартал ювеліраў»

Сенсацыйная знаходка ХІ стагоддзя адкрылася падчас археалагічных даследаванняў Ніжняга замка, якія праводзяць на тэрыторыі стадыёна «Спартак» спецыялісты Інстытута гісторыі Нацыянальнай акадэміі навук і Полацкага дзяржаўнага ўніверсітэта ім. Еўфрасінні Полацкай, паведамляе газета «Витебские вести».

Фота: www.psu.by

У кожным шурфе, закладзеным на тэрыторыі стадыёна, даследчыкі выявілі сляды апрацоўкі каляровых металаў. У двух шурфах знойдзены рэшткі плавільных печак, у якіх гэтыя работы праводзіліся. Паводле выкладчыка Полацкага дзяржаўнага ўніверсітэта Ігара Магалінскага, знаходкі дазваляюць меркаваць, што гэты «квартал ювеліраў» існаваў не пазней як у XI стагоддзі. І на сённяшні дзень гэта найбуйнейшы ў Беларусі аб'ект, які можна звязваць з ювелірным рамяством менавіта гэтага часу.

Ігар Магалінскі. Фота: gorod214.by

Версія пра полацкі «квартал ювеліраў» упершыню з'явілася ў 1984 годзе. 10 красавіка, падчас «ленінскага» суботніка, якраз на тэрыторыі стадыёна «Спартак» быў знойдзены знакаміты скарб, які сёння захоўваецца ў Нацыянальным полацкім гісторыка-культурным музеі-запаведніку. Тады знаходка адкрылася гардэробшчыцы стадыёна Марыі Красновай. Яна падняла з зямлі камень, пад якім убачыла «дроцікі» з жоўтага металу. Жанчына пажартавала, што знайшла золата, але ўсу'ёз у гэта не паверыла. Тагачасны дырэктар стадыёна прапанаваў узважыць знойдзенае ў бліжэйшай прадуктовай краме. «Дроцікі» з жоўтага металу «пацягнулі» амаль на 350 грамаў. Таваразнаўца ювелірнай крамы «Рубін» Святлана Сабельнікава ацаніла скарб у 15 тысяч савецкіх рублёў. Паводле заканадаўства, 25 % ад гэтай сумы былі пералічаны Марыі Красновай, а яе знаходку забралі ў музей.

Фота: gorod214.by

Мясцовасць у самым цэнтры Полацка прыцягнула ўвагу даследчыкаў, і ў 1989 — 1990 гадах непадалёк ад стадыёна быў знойдзены цэлы ювелірны «вытворчы комплекс». На думку выкладчыка кафедры гісторыі і турызму ПДУ Аляксея Коца, у старажытнасці гэтае месца было заселена вялікай колькасцю ювеліраў — людзей заможных, адукаваных, якія па мерках таго часу наладзілі высокатэхналагічную вытворчасць.

Аляксей Коц. Фота: www.psu.by

Аднак сама пляцоўка стадыёна раней не вывучалася — раскопкі праводзілі толькі на навакольных тэрыторыях.

Сёлета стадыён «Спартак», якому ўжо 54 гады, было вырашана рэканструяваць. У планах — замена пакрыцця футбольнага поля, бегавых дарожак і дарожак для скачкоў у даўжыню, пераабсталяванне сектараў для кідання молата і штурхання ядра, устаноўка трэнажораў.

Перад рэканструкцыяй адмыслоўцы праводзяць археалагічныя доследы, бо гэта ўнікальная тэрыторыя: калісьці тут размяшчалася старажытнае паселішча, а ў 16 стагоддзі быў збудаваны Ніжні замак.

Каментары1

  • Нрр
    21.08.2023
    Вкладчики........ смешно...... приспособлнцы ..... все настоящие изгнаны в Польшу.....

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць