Усяго патроху

У Ганцавічах дзятва папалявала на зубра

Не паспелі ў Ганцавічах паставіць да абласных «Дажынак» бетонную скульптуру зубра, як яе давялося ўжо і рэстаўраваць. Бо на бетонную жывёліну, як піша «Ганцавіцкі час», «з камянямі і палкамі, як у дагістарычныя часы падчас палявання», накінуліся мясцовыя дзеці.

Фота Ганны Зянько

Як толькі новая інсталяцыя 18 жніўня з'явілася на п'едэстале, то яна прыцягнула ўвагу дзяцей. Зубра тут жа абляпілі з усіх бакоў. Хтосьці фатаграфаваўся, хтосьці спрабаваў залезці на спіну.

Іншыя ж вырашылі папаляваць на бетоннага звера і накінуліся на яго з камянямі і палкамі, спрабуючы на трываласць. Паваліць не павалілі, але «шкуру папсавалі».

Фота Ганны Зянько

«Я бачыў, як адзін падшыванец залез і стукнуў зубра каменем па рогу. Але рог не зламаўся. На яго накрычалі, ён выкінуў камень і ўцёк», — расказаў адзін з хлопцаў, які гуляў у двары побач з інсталяцыяй.

Наступствы палявання на зубра давялося ліквідаваць мастакам-афарміцелям сектара культуры райвыканкама. У панядзелак з раніцы яны прыйшлі на вуліцу Заслонава, дзе стаіць скульптура, каб падлатаць і пафарбаваць пашкоджанні на інсталяцыі.

Фота: Савецкае Палессе

Копія вядомай гіганцкай скульптуры зубра, усталяванай ля трасы М1 на мяжы Брэсцкай і Мінскай абласцей, з'явілася на ганцавіцкай вуліцы Заслонава. Яе падрыхтавалі да абласных «Дажынак», якія запланаваныя ў раёне на 9 верасня.

У адрозненне ад металічнага арыгінала, ганцавіцкі зубр выраблены з бетону і важыць ажно 10 тон. Вышынёй ён у тры метры, а ў даўжыню дасягае чатырох метраў.

Усталяваную на п'едэстал інсталяцыю пафарбавалі (спатрэбілася каля 20 л фарбы цёмна-карычневага і чырвона-карычневага колераў). Але на гэтым працы з інсталяцыяй зубра не скончаныя — камунальнікам трэба будзе яшчэ ўпарадкаваць тэрыторыю вакол яе.

Фота Ганны Зянько

Каментары

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць