Свет22

Новая норма ў ЕС дазволіць карыстальнікам сацыяльных сетак спакойна выйсці з матрыцы рэкамендацый ШІ

Інтэрнэт-карыстальнікі асноўных сацыяльных сетак у Еўрапейскім саюзе змогуць уздыхнуць з палёгкай дзякуючы паваротнаму закону, які дае магчымасць сказаць «не, дзякуй» штучнаму інтэлекту.

Выява: vecteezy

Дзякуючы Закону аб лічбавых паслугах (DSA), карыстальнікі Facebook і Instagram (ад Meta), TikTok (ад ByteDance) і Snapchat (ад Snap) могуць лёгка адхіляць «персаналізаваны» змест, які адлюстроўваецца на аснове «рэлевантнасці» (г. зн. праглядаў карыстальніка). Зараз карыстальнікі змогуць пераключацца на больш сціплы выгляд навін, які змяшчае пасты ад вашых сяброў, што адлюстроўваюцца ў храналагічным парадку. 

І гэта толькі вяршыня нарматыўнага айсберга. Змены дастасоўваюцца да асноўных платформаў у ЕС, але некаторыя з іх распаўсюджваюцца ва ўсім свеце, бо тэхналагічныя гіганты вырашылі аптымізаваць некаторыя элементы.

Facebook на самай справе прыняў меры раней за крайні тэрмін адпаведнасці DSA, запусціўшы храналагічную новую ўкладку Feeds у ліпені. Наўрад ці Meta зрабіла б гэты крок, калі б еўрапейцы не прынялі закон, які абавязвае асноўныя платформы даваць карыстальнікам магчымасць прагляду неперсаналізаванага кантэнту.

Нядаўна мы таксама распавядалі, як YouTube абвясціў, што карыстальнікаў з адключанай функцыяй «Гісторыі праглядаў» не будуць турбаваць рэкамендацыямі відэа на аснове ранейшых праглядаў.

Выбар зместу, заснаваны на адсочванні кантэнту, што праглядаўся, дзейнічае даволі груба. TechCrunch прыводзіць просты прыклад. Пасля таго як карыстальнік выпадкова паглядзіць (і, крый божа, упадабае) відэа з коткай у Instagram, стужка навін будзе перапоўненая бясконцымі кацінымі відэа з адной толькі мэтай: пратрымаць вас на платформе як мага даўжэй.

Выява: vecteezy

Цяпер Марк Цукерберг вымушаны ўлічваць новы закон і прапанаваць карыстальнікам у ЕС магчымасць адключаць дэманстрацыю персаналізаванага зместу. У інстаграме пераключыцца можна, напрыклад, на ўкладцы «Explore» (значок лупы ўнізе), дзе трэба націснуць на тры кропкі ў правым верхнім куце і абраць «Not personalized» (па змоўчанні там выбраны алгарытмічны кантэнт «For you»).

Стужка зместу, які, паводле падлікаў штучнага інтэлекту Meta, лепш за ўсё прыцягне вашу ўвагу, будзе замененая сеткай неперсаналізаваных выяў — пераважна пейзажнымі фота, быццам натхнёнымі National Geographic. Выглядае крыху нудна, але, мабыць, у гэтым і сэнс. Пры выхадзе з сеткі, аднак, налады, здаецца, вяртаюцца ў стан «па змоўчанні».

Так выглядае ўкладка «Explore» з адключанымі персаналізаванымі рэкамендацыямі ад Instagram

Уключэнне гэтай рэтрафункцыі ў Facebook, які даўно ператварыўся ў хаатычны набор рэкламы ўперамешку з пастамі, адфільтраванымі ШІ па папулярнасці (на аснове ўзаемадзеяння), перанясе карыстальніка ва ўмоўны 2008 год, калі пасты паказваліся ў зваротным храналагічным парадку. На жаль, па змоўчанні галоўная старонка Facebook па-ранейшаму мае выгляд, адсартаваны ШІ, у тым ліку персаналізаваныя рэкамендацыі для Reels і Stories.

Пераключальнік «Выключыць ШІ» можа аказаць яшчэ большы ўплыў на TikTok, дзе менавіта алгарытму выбару кантэнту прыпісваюць асноўныя вірусныя тэндэнцыі, што спрыяюць агульнай шалёнай папулярнасці платформы, асабліва ў маладых людзей. 

Але адыход ад «іголкі» штучнага інтэлекту ўсё роўна запатрабуе ад карыстальнікаў праявы свабоды волі, бо новы еўрапейскі рэгламент патрабуе толькі адно, каб платформы прапаноўвалі відэа на выбар. Але яшчэ трэба высветліць, ці сапраўды TikTok-супольнасць будзе аддаваць перавагу новым неперсаналізаваным стужкам.

Аднак сам факт дадавання новай (насамрэч старой) функцыі некаторыя карыстальнікі называюць магчымай «рэвалюцыяй кантэнту», якая так патрэбная сённяшняму грамадству, дыскурс якога накіроўваецца алгарытмамі ў сацсетках тэхналагічных гігантаў. У светлай будучыні ціхі выхад з гэтых алгарытмаў можа стаць наступнай вялікай тэндэнцыяй, даючы інтэрнэт-сэрвісам менш магчымасцяў для крадзяжу нашага вольнага часу. 

Каментары2

  • Задзяўблі рэкамендацыі
    09.09.2023
    Нарээшце!
  • Сатурн
    10.09.2023
    Будем надеяться, что эти неалгоритмичные функции на весь мир распространят, а не только в ЕС и не только некоторые компании, а все

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць