Грамадства

Польскі дэпутат: Абавязкова знойдзецца рашэнне, каб беларусы маглі заставацца ў Польшчы

Дэпутат Сейма Польшчы і віцэ-старшыня камісіі замежных справаў польскага парламенту Павал Коваль перакананы, што рашэнне Лукашэнкі аб забароне атрымання пашпартоў у дыпламатычных прадстаўніцтвах Беларусі за мяжой не перашкодзіць беларусам заставацца ў Польшчы.

 Павал Коваль. Фота: «Радыё Свабода»

Былы віцэ-міністр замежных справаў пракаментаваў «Свабодзе» апошнія новаўвядзенні Лукашэнкі.

«Гэта выключна тэхнічнае рашэнне. Абавязкова знойдзецца рашэнне, каб беларусы маглі заставацца ў Польшчы. Усе, хто падтрымліваюць свабодную Беларусь, чакаюць канца рэжыму Лукашэнкі. А ён надыдзе.

Давайце не думаць пра палітыку ў Беларусі такім чынам, што Лукашэнка будзе заўсёды. Эра Лукашэнкі скончыцца. Ён страціць сваю ўладу разам з Пуціным, а магчыма, і раней. А беларусы, якія сёння працуюць для Беларусі за мяжой, будуць калісьці ствараць сапраўды свабодную Беларусь».

Са жніўня 2020-га колькасць грамадзян Беларусі, якія маюць польскія дакументы, вырасла больш як утрая. Паводле нефармальных ацэнак польскіх дзяржаўных органаў, у Польшчы цяпер могуць знаходзіцца больш за 300 тысяч грамадзян Беларусі. 

У перыяд з 10 жніўня 2020 да 30 чэрвеня 2023 году МЗС Польшчы выдала грамадзянам Беларусі 52 436 гуманітарных візаў, яшчэ 113 906 візаў — у рамках праграмы Poland Business Harbour, якая дазваляе фрылансерам, стартапам, малым і сярэднім прадпрыемствам аператыўна пераехаць у Польшчу. 

«Наша дапамога беларусам вынікае з дзвюх рэчаў. Па-першае, з традыцыі. У Польшчы вельмі сур’ёзная традыцыя падтрымкі эміграцыі, апазіцыйных колаў і тых, каго пераследуюць у сваёй краіне. Гэта звязана з традыцыяй «Салідарнасці». Па-другое, у Польшчы гэта робяць і з прынцыповых прычын. Мы звяртаем асаблівую ўвагу на адукацыю маладой беларускай палітычнай эліты. А ўрэшце гэта будзе выгадна і для Беларусі, і для Польшчы. Бо калі рэжым Лукашэнкі абрынецца, то гэтыя кадры будуць адыгрываць вельмі важную ролю», — заявіў польскі дэпутат.

Пачынаючы з 2021 году, польскі бок прыняў 81 тысячу пазітыўных рашэнняў аб выдачы дазволаў на жыхарства для грамадзян Беларусі, яшчэ 8500 чалавекам адмовілі ў атрыманні часовага дазволу на жыхарства за той жа перыяд. З 2021 году беларусы сталі самай буйной групай, якая падае заявы аб атрыманні міжнароднай абароны ў Польшчы.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

У МУС расказалі, колькі працоўных мігрантаў прыехала ў Беларусь і колькі злачынстваў яны здзейснілі1

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць