Вайна55

«Ідэя нейтральнай Украіны ў існых умовах ужо не мае сэнсу». Кісінджэр патлумачыў, чаму змяніў сваю пазіцыю

Уладзімір Зяленскі падчас візіту ў ЗША сустрэўся з дыпламатам, навукоўцам і палітыкам Генры Кісінджэрам, які раней быў катэгарычна супраць членства Украіны ў НАТА, але цяпер змяніў сваё меркаванне.

Сустрэча Зяленскага з Кісінджэрам. Фота: тэлеграм-канал Андрэя Ермака

Пра гэта ў сваім тэлеграм-канале паведаміў кіраўнік Офіса прэзідэнта Украіны Андрэй Ярмак.

Ён адзначыў, што таксама браў удзел у сустрэчы. Паводле ягоных слоў, у Кісінджэра ёсць шмат трапных цытат, якія характарызуюць сучасны стан спраў у вайне з Расіяй.

«Да гэтай вайны я быў супраць членства Украіны ў НАТА, таму што баяўся, што гэта пачне менавіта той працэс, які мы назіраем цяпер. Сёння, калі працэс дасягнуў такога ўзроўню, ідэя нейтральнай Украіны ў такіх умовах ужо не мае сэнсу», — цытуе Кісінджэра ўкраінскі чыноўнік.

Кіраўнік Офіса дадаў, што Кісінджэр цяпер адзін з лабістаў Украіны ў НАТА.

Генры Кісінджэр у 1970-я гады займаў пасаду дзяржаўнага сакратара ЗША і быў дарадцам па нацыянальнай бяспецы. Пры яго ўдзеле халодная вайна паміж ЗША і СССР пайшла на спад, гэты перыяд у гістарыяграфіі вядомы як «разрадка». У 1973 годзе Кісінджэр стаў лаўрэатам Нобелеўскай прэміі міру ў сувязі з дасягнутым перамір'ем у В'етнаме.

У 2008 годзе Кісінджэр выступаў супраць уступлення Украіны ў НАТА і за тое, каб Украіна засталася ў сферы ўплыву Расіі. У 2015 годзе, пасля расійскай агрэсіі, ён крытыкаваў санкцыі супраць Расіі і апраўдваў акупацыю Крыма.

У маі 2022 года, выступаючы на ​​Сусветным эканамічным форуме ў Давосе, Кісінджэр заявіў, што Украіна павінна саступіць частку сваёй тэрыторыі Расіі, каб скончыць вайну. Гэтае выказванне было жорстка раскрытыкавана. 

Ужо ў ліпені 2022 года Кісінджэр перайшоў да больш стрыманай пазіцыі адносна Украіны, а ў студзені 2023 года ўвогуле падтрымаў ідэю ўступлення Украіны ў НАТА.

Каментары5

  • Common sense
    25.09.2023
    Чувак сдал коммунистам Вьетнам под видом "перемирия "и хотел точно так же сдать Украину. Очередной полезный идиот Кремля.
  • Крюгер
    25.09.2023
    Калі б палітыкі выходзілі на пенсію пасля 60-65, як усе нармальныя людзі, то на свеце было б адчувальна лепей жыць.
  • бабруйчанін
    25.09.2023
    І яны нам разпавядаюць майсы саламона аб " абранасці " мудрасці)). Як той Яшка кедмі у " будзенауке" у салавья.А у канцы 80х рабіу карьеру у Ізраіле на " антісімітізьмі" у саудєпіі

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Беларус паўнавартасна паабедаў у рэстаране ўсяго за 4 рублі. Дзе такое месца?3

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць