Усяго патроху55

Мінчук знайшоў гіганцкі ядомы грыб, які заважыў 11 кілаграмаў

За паўтары гадзіны Мікалаю Каляіне ў лесе ва Уздзенскім раёне ўдалося сабраць сем вёдраў баравікоў і апенек. Але потым яго чакаў сапраўдны сюрпрыз.

Мікалай Каляіна збіраць грыбы пачаў яшчэ ў дзяцінстве, таму лёгка можа адрозніць ілжывых двайнікоў ад ядомых. Вось і гэтым разам, прыехаўшы ў вёску да сваякоў ва Уздзенскі раён, перш за ўсё адправіўся на ціхае паляванне. За паўтары гадзіны мінчуку ўдалося сабраць сем вёдраў баравікоў і апенек, пішуць Мінск-навіны. 

Мікалай аднёс здабычу ў аўтамабіль і вырашыў, што можна яшчэ пахадзіць па лесе. Другая вылазка збянтэжыла: ён наткнуўся на дзіўны грыб, які ні разу ў жыцці не сустракаў. Рос ён на ясені невысока над зямлёй.

— Адразу ўразіўся яго прыгажосцю, ён увесь такі залацісты, — распавёў Мікалай Каляіна. — Але тут жа працяла думка: а раптам атрутны? Доўга думаў, але ўсё ж вырашыў зрэзаць: было шкада пакідаць. Мучыўся каля 20 хвілін, бо нож быў зусім маленькім, а пашкодзіць знаходку не хацелася. Але ўсё роўна разрэзаў грыб напалову, бо ён папросту не змяшчаўся ў кошык. Каб данесці знаходку да машыны, у лес прыйшлося схадзіць двойчы. А калі прывёз у вёску, усе збегліся паглядзець на цуд.

На наступны дзень Мікалай вярнуўся ў Мінск і пачаў шукаць, дзе можна праверыць грыб. Патэлефанаваў у некалькі лабараторый, з'ездзіў на буйныя сталічныя рынкі, але ўсюды разводзілі рукамі.

Выручылі абазнаныя грыбнікі, якія падказалі, што гэта ядомы трутавік. Шчаслівы ўладальнік знаходкі вырашыў, што адну частку грыба замарозіць, а іншую прыгатуе рознымі спосабамі. Засталося толькі рэцэпт знайсці, каб усё зрабіць правільна.

— Ведаю, што з грыбамі трэба быць асцярожным. Трэба выконваць правілы бяспекі, каб пазбегнуць атручвання. Але знаёмыя ўжо паспрабавалі мой трутавік, з імі ўсё добра. Хвалілі нават. Па смаку чымсьці нагадвае мяса курыцы. Таму і сам яго з задавальненнем пасмажу або звару, трохі засушу, а што застанецца — пакладу ў маразільнік. У мяне яны доўга ляжаць не будуць — да лютага ўсе сабраныя грыбы дакладна з'ем. Люблю грыбочкі ў любым выглядзе, — адзначыў Мікалай.

Каментары5

  • .
    16.10.2023
    Але тут жа працяла думка: а раптам атрутны? Доўга думаў, але ўсё ж вырашыў зрэзаць: было шкада пакідаць
    И мы думали, что такое жлобье выйдет на забастовку в 20-м? 
  • mikola
    16.10.2023
    Mazliva Muhamor znaisou ?
  • а трудавік
    16.10.2023
    — Адразу ўразіўся яго прыгажосцю, ён увесь такі

    фалас

    не ўсе ціхія паляўнічыя мажліва ведаюць, што любы "грыб" - гэта палавы ворган грыба, цела якога знаходзіцца пад зямлёй

Цяпер чытаюць

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Усе навіны →
Усе навіны

Мігранты ўсё радзей едуць у багатыя краіны. І гэта можа стаць праблемай для тых краін9

Навукоўцы прыдумалі аднаразовыя кубачкі для кавы без кроплі пластыку2

«Рамантаваць будзе складаней, чым будаваць з нуля». Ці магчыма хутка аднавіць Крымскі мост?8

Жанчына злавіла ў Друці больш чым 13‑кілаграмовага шчупака ФОТАФАКТ4

У Дзяржынску ў пенсіянеркі здарыўся інсульт адразу пасля таго, як яе выпісалі з бальніцы пасля аперацыі1

Google зрабіла стаўку на тэхналогію, якая для здабычы электрычнасці выпарвае горныя пароды5

У Беларусі збіраюцца больш актыўна паляваць на зуброў1

У Жабінкаўскім раёне ў ДТЗ загінулі два чалавекі

У Інданезіі сустрэлі змяю, якая паставіла сусветны рэкорд па даўжыні

больш чытаных навін
больш лайканых навін

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля21

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля

Галоўнае
Усе навіны →

Заўвага:

 

 

 

 

Закрыць Паведаміць