Свет

У Аргенціне ў другі тур прэзідэнцкіх выбараў выйшаў кандыдат, які вёў агітацыю пераважна ў тыктоку

Але не толькі гэта здзіўляе ў прэзідэнцкіх выбарах у гэтай краіне.

Хаўер Мілей. Фота: Tomas Cuesta / Getty Images

Пасля падліку большасці галасоў на прэзідэнцкіх выбарах у Аргенціне ультраправы кандыдат Хаўер Мілей, які прыцягваў да сябе шмат увагі, саступае міністру эканомікі Серхіа Маса. Ні той ні іншы, аднак, не атрымалі абсалютнай большасці, таму яны сустрэнуцца ў другім туры праз чатыры тыдні, піша Бі-бі-сі.

У выніку падліку амаль 90% бюлетэняў Маса лідзіруе з вынікам больш за 36%. Мілей пакуль набірае крыху больш за 30%. Трэцяя кандыдатка, кансерватар Патрысія Булрыч, выбывае з гонкі з 23,8% галасоў.

Для перамогі ў першым туры кандыдат павінен набраць больш за 45% галасоў альбо 40%, але пры ўмове, што ён апярэджвае найбліжэйшага суперніка не менш чым на 10 працэнтных пунктаў.

Другі тур павінен прайсці 19 лістапада. 

Апытанні да выбараў паказвалі на перамогу Мілея, але ў Аргенціне яны вядомыя сваёй недакладнасцю. У прыватнасці, калі Мілей перамог на праймерыз у жніўні, апытанні гэтага не прадказвалі.

Мілей вёў агітацыю пераважна праз тыкток і зрабіў некалькі гучных заяў.

Так, на адным з мітынгаў ён з'явіўся з бензапілой: гэта быў сімвал «адразання» дзяржаўных выдаткаў, каб аздаравіць эканоміку краіны. Таксама ён прапанаваў адмовіцца ад песа і перайсці на амерыканскі даляр, каб перамагчы інфляцыю. Інфляцыя ў краіне складае 140%.

Таксама Мілей адмаўляе вялікую колькасць ахвяр вайсковай дыктатуры ў 1976—1983 гадах, хоць вядома, што тады знікла 30 тыс. чалавек. Ён сцвярджае, што гэта колькасць куды меншая — 8 753 (такую лічбу называла сама хунта).

У 1990-я Мілей, дарэчы, іграў у рок-групе, якая выконвала пераважна каверы «Ролінг Стоўнз». 

Напярэдадні выбараў сцены і рэкламныя шчыты былі завешаныя плакатамі з усмешлівымі кандыдатамі. Але ні на адным з іх не было твару Хаўера Мілея.

Мілей вёў кампанію пры дапамозе цэлай арміі інфлюэнсераў, якія вядуць агітацыю ў асноўным праз тыкток.

22-гадовы Іньякі Гут'ерэс звярнуўся да Хаўера Мілея і пераканаў яго, што кандыдату трэба актыўна працаваць у сацыяльных сетках. З тых часоў Іньякі і яго дзяўчына ўзначалілі кампанію ў тыктоку і здабылі велізарную базу фаловераў.

«Больш не патрэбныя грувасткія структуры, каб займацца палітыкай. [Для правядзення кампаніі] не трэба ездзіць па розных гарадах — з дапамогай тэлефона можна за некалькі гадзін выйсці на сувязь з усёй краінай і пагутарыць з усімі», — казаў Іньякі.

Праўда, Мілей збіраў і шматтысячныя мітынгі і афлайн. Людзі выстойвалі шмат гадзін у чарзе, каб трапіць на мітынг.

«Прыхільнікаў Мілея можна знайсці на ўсіх сацыяльна-эканамічных узроўнях», — лічыць палітолаг Ана Іпарагірэ.

Аднак пакуль Мілей другі.

Дзіўны не толькі яго вынік, але і той факт, што першае месца ў першым туры заняў міністр эканомікі — гэта ў краіне, дзе інфляцыя цяпер складае 140%.

У гэтыя чатыры тыдні да другога тура Аргенціну чакае вялікая нявызначанасць. І хто б ні перамог, яму трэба будзе разбірацца з цяжкай эканамічнай сітуацыяй, якая настройвае аргенцінцаў супраць цяперашняга палітычнага істэблішменту.

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць