Культура77

Памёр Міхаіл Пірагоў

18 кастрычніка 2023 года на 91-м годзе жыцця памёр вядомы беларускі архітэктар Міхаіл Пірагоў, аўтар Палаца Рэспублікі, шэрагу станцый мінскага метрапалітэна і самай вядомай беларускай занядбанкі. 

Пра гэта на сваім сайце паведаміў Беларускі саюз архітэктараў. 

Міхаіл Міхеевіч Пірагоў нарадзіўся 25 студзеня 1933 года ў горадзе Арцёмаўску Краснаярскага края. Пасля заканчэння ў 1957 годзе Новасібірскага інжынерна-будаўнічага інстытута імя В. У. Куйбышава працаваў у Новасібірску да 1975 года. 

Станцыя метро «Акадэмія навук». Фота: Wikimedia Commons

У 1975 годзе быў запрошаны ў Мінск, дзе працаваў да пачатку 2001 года ў «Белдзяржпраекце».

Першым буйным творам Пірагова ў Беларусі быў тэатр драмы і камедыі імя Дуніна-Марцінкевіча ў Бабруйску, які высоўваўся на суісканне Дзяржаўнай прэміі БССР.

Эскізы палаца на Кастрычніцкай плошчы. Фота: БСА
Эскізы палаца на Кастрычніцкай плошчы. Фота: БСА
Эскізы палаца на Кастрычніцкай плошчы. Фота: БСА
Макет палаца на Кастрычніцкай плошчы. Фота: БСА
Макет палаца на Кастрычніцкай плошчы. Фота: БСА

Але найперш ягоная творчасць была звязаная з беларускай сталіцай. Тут ён стварыў праекты яхт-клуба на Заслаўскім вадасховішчы, станцыі мінскага метрапалітэна «Акадэмія навук» і «Плошча Якуба Коласа», за якія атрымаў прэмію Савета Міністраў СССР, у 1990-я займаўся рэстаўрацыяй і рэканструкцыяй опернага тэатра, а таксама быў кіраўніком аўтарскага калектыву, які спраектаваў ці не галоўны будынак краіны — Палац Рэспублікі. Праект Палаца Рэспублікі ў 2004 годзе быў удастоены Дзяржаўнай прэміі Беларусі. 

Начное падсвятленне Палаца Рэспублікі. Фота: БСА
Інтэр'еры Палаца Рэспублікі. Фота: БСА
Інтэр'еры Палаца Рэспублікі. Фота: БСА

Як прыгадваў калега Пірагова, архітэктар Леанід Зданевіч, аўтарскі калектыў, каб не дапусціць узвядзення перад Палацам ідэалагічнага савецкага манумента «Барацьбітам за савецкую ўладу», архітэктурны конкурс па якім ужо быў праведзены ў 1988 годзе, пайшоў на хітрасць. Так, сярод іншага на плошчы, дзе планавалі размясціць манумент, з'явіўся амфітэатр. Амфітэатр так і застаўся ў планах, але і манумент не быў рэалізаваны праз хуткі развал Саюза. Сёння на гэтым месцы ідэалагічны манумент плануе паставіць ужо рэжым Лукашэнкі. 

Прафілакторый «Лясное» ў Валожынскім раёне, закрыты праз моцнае радыяцыйнае забруджванне

Таксама Пірагоў быў суаўтарам прафілакторыя «Лясное» ў Валожынскім раёне, які ў 1989 годзе атрымаў архітэктурную прэмію прафсаюзаў БССР. Але праз моцнае радыяцыйнае забруджванне тэрыторыі ў выніку Чарнобыльскай катастрофы прафілакторый у 1996 годзе быў закрыты, ператварыўшыся ў адзін з найвялікшых і найбольш папулярных аб'ектаў сярод аматараў закінутых будынкаў.

Ужо як кіраўнік уласнай творчай майстэрні ў 2003 годзе запраектаваў комплекс пасольства Украіны.

У 2018 годзе, калі на месцы знесенага будынка Беларускага дзяржаўнага музея гісторыі Вялікай Айчыннай вайны збіраліся пабудаваць бізнэс-цэнтр «БК Капітал Палас», больш вядомы як «палац Карычаў», прапанаваў сваю канцэпцыю забудовы пляцоўкі. Побач з Палацам Рэспублікі ён прапаноўваў пабудаваць чатырохпавярховы забаўляльны цэнтр з эксплуатаваным «зялёным» дахам і вялікай гадзіннікавай вежай з назіральнай пляцоўкай.

Эскізная прапанова па забудове пляца каля Палаца Рэспублікі. Пірагоў быў да ўсяго іншага выдатным акварэлістам.

Меркаванне архітэктара, як і меркаванне прафесійнай супольнасці і грамадскасці, якая выступала супраць чужароднага твора братоў Карычаў на цэнтральнай плошчы сталіцы, да ўвагі ўладамі прынята не было.

«Наша Нiва» — бастыён беларушчыны

ПАДТРЫМАЦЬ

Каментары7

  • Помер Максим, ну .... с ним
    29.10.2023
    Кто это такой?
  • Sid
    29.10.2023
    Паказальна, што саўкі пабудавалі прафілакторый ужо на забруджанай тэрыторыі, відавочна, ведаючы пра гэта...
  • А дзе нашы архітэктары?
    29.10.2023
    Мякка скажу, ніякі быў архітэктар

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва59

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць