Грамадства33

«Выглядалі здаровымі». У «Мядзвежыне» высеклі цэлую дзялянку дрэў, мясцовыя не разумеюць чаму

Чытачка Onliner заўважыла, што ў яе любімым лесапарку «Мядзвежына» знікла цэлая дзялянка, як яна лічыць, абсалютна здаровых дрэў.

У лесапарку «Мядзвежына» знікла цэлая паляна вонкава здаровых дрэў. Фота: чытачка Onliner

— Я жыву на вуліцы Лабанка. На выходных мы разам з сямействам любім прагуляцца па лесе: ёсць у нас дзікая частка (праз дарогу ад дома №95 на вуліцы Гарэцкага), якая плаўна пераходзіць у акультураную — «Мядзвежына». Люблю гэтае месца з дзяцінства: яно дазваляе акунуцца ў іншую рэальнасць, прайсціся па маляўнічых дарожках, удыхнуць водары елак, палюбавацца пейзажамі, пакарміць птушак і вавёрак. Так што пры куплі кватэры лічыла суседства з лесам велізарным плюсам, — распавяла чытачка.

Ды і не адна яна: у «Мядзвежына» гуляюць многія мясцовыя. Але раптам гэтую ідылію парушыла нечаканае: на той самай дзікай тэрыторыі нехта высек цэлую дзялянку.

— Так, перыядычна такім чынам пазбаўляюцца ад дрэнных дрэў, за што дзякуй. Але тут не тая сітуацыя: на зямлі ляжаць здаровыя на выгляд ствалы, на якіх нават замераны дыяметры. Галоўнае пытанне — што наогул адбываецца? У чым мэта дадзенага мерапрыемства? — не хавае абурэння мінчанка.

Па каментар журналісты звярнуліся ў Мінскую лесапаркавую гаспадарку. Вось што расказаў яго галоўны ляснічы Дзмітрый Касач:

— У нас запланаваны тры суцэльныя санітарныя высечкі на ўчастках 0,2, 0,3, 0,4 га. Такім чынам мы пазбаўляемся ад загінулых раслін, пашкоджаных ствалавымі шкоднікамі — караедамі-тыпографамі. Акрамя гэтага, мы правядзём у лесапарку і выбарачную высечку адзінкавых усохлых дрэў — па 5-10 штук.

— Людзі сцвярджаюць, што насаджэнні выглядалі здаровымі…

— Гэта не так. Елка можа стаяць з зялёнай лапай, але кара ў яе ўжо пачынае высыхаць і адвальвацца. Такая расліна лічыцца загінулай. Мы выязджалі ў «Мядзвежына» разам са старшынёй Мінскага гарадскога камітэта прыродных рэсурсаў і аховы навакольнага асяроддзя, каб ён пераканаўся ў тым, што дрэвы сапраўды маюць пашкоджанні.

Галоўны ляснічы запэўніў, што вясной на месцы высечак высадзяць новыя пяцігадовыя елкі. Звычайна выкарыстоўваюцца двухгадовыя, але, бо плынь людзей у «Мядзвежына» сур'ёзная, такія малыя могуць затаптаць.

Каментары3

  • Цураннебольшогоума
    30.11.2023
    Что непонятного. Исполкомовские будут дома себе строить как в Дроздах.
  • Ганьба
    30.11.2023
    Трэба растлумачыць хатаскрайнікам, што ўлады заўжды маюць рацыю. Хочаш дрэва - купі сабе ікібану. Грамадскія ж прасторы - для панэлек і паркінгаў, для народа то-бок.
  • Железный Дровосек
    30.11.2023
    Дый таму,што калдырскі кал-хозны лукашызм вораг не толькі здароваму сэнсу,а і ўсялякай эстетыцы. У сілу сваіх асаблівасцях развіцця. Можаце такое сябе ўявіць,напрыклад,у Японіі? Ці венскам лесе?
    Дарэчы,гэта красамоўны паказчык адносін лукашызму да ўсяго жывога,у тым ліку і чалавека—усё пад асвальт!
    Мярзота.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць