Здарэнні22

Следчыя раскрылі забойства, якое адбылося ў Буда-Кашалёве яшчэ ў часы БССР

Улетку 1989 года жыхарка Буда-Кашалёва нечакана стала ўдавой. Увечары 19 ліпеня яе 51-гадовы муж апошні раз пераступіў парог дома. Ужо ноччу жанчына паехала ў морг на апазнанне.

Фота: СК

Неўзабаве па невялікім мястэчку разнеслася страшная навіна — каля гасцініцы забілі работніка электрасетак. Мужчына памёр ад страты крыві, якая развілася ў выніку колата-рэзанай раны, аднаўляе падзеі тых часоў Следчы камітэт.

Больш за 30 гадоў забойства значылася ў катэгорыі нераскрытых. Восенню 2022 года супрацоўнікі Буда-Кашалёўскага раённага аддзела СК сумесна з супрацоўнікамі ГУБАЗіКа змаглі разблытаць злачынства.

Пад следствам аказаўся 64-гадовы жыхар Буда-Кашалёва, які адбывае ў калоніі 19-гадовы тэрмін за замах на забойства знаёмага. У 2020 годзе мужчына падчас сваркі ўдарыў нажом сабутэльніка. Да гэтага ён неаднаразова, пачынаючы з 15 гадоў, прыцягваўся да крымінальнай адказнасці.

Раззлаванага з-за жорсткасці бацькі падлетка ўпершыню асудзілі за здзейсненыя супольна маёмасныя злачынствы: крадзяжы з крамаў, шапікаў, прыватнага дома, абрабаванне знаёмага. Затым былі суды за рабаванне, факты прычынення нажом цялесных пашкоджанняў, пагрозы народнаму суддзі, забойства, замах на падпал. Пасля першай «адседкі» фігурант ніколі не прызнаваў віны, заблытваў следства.

Агулам мужчына правёў за кратамі 45 гадоў.

У Буда-Кашалёве яго пабойваліся і пазбягалі. Менавіта таму ключавы сведка па нераскрытым забойстве загаварыў праз тры дзясяткі гадоў. Для збору доказаў віны падазраванага следчыя дапыталі людзей з акружэння забітага і фігуранта, праведзеныя апазнанне, вочныя стаўкі, праверка паказанняў сведкі на месцы здарэння. Падазраваны на працягу ўсяго следства адмаўляў віну, паводзіў сябе дзёрзка, даваў ілжывыя паказанні.

Аднак следчыя высветлілі наступнае.

Вечарам 19 ліпеня 1989 года забіты гуляў са сваім зяцем па Буда-Кашалёве. На вуліцы яны пазнаёміліся з двума камандзіровачнымі і дапамаглі ім засяліцца ў гасцініцу. Там жа ўчатырох выпілі.

Пасля нядоўгіх пасядзелак швагры сышлі, трошкі пахадзілі па горадзе і развіталіся. Цесць, вяртаючыся дадому, праходзіў каля гасцініцы. Побач з ім ішоў будучы забойца. У гэты час адзін з камандзіровачных курыў на ганку.

Ён убачыў, як спадарожнік яго знаёмага нанёс яму ўдар нажом і ўцёк. Прыезджы забег у гатэль, выклікаў хуткую і міліцыю. Паранены мужчына памёр у бальніцы.

На падставе сабраных па справе доказаў Буда-Кашалёўскім раённым аддзелам СК выстаўлена абвінавачванне па арт. 101 (наўмыснае забойства) Крымінальнага кодэкса (у рэдакцыі 1960 года). Яму пагражае да 20 гадоў зняволення.

Каментары2

  • некрасов
    07.12.2023
    не верю ЭТИМ следователям.
  • За смертную казнь с 14 лет
    07.12.2023
    Таких недобитков надо принудительно лишать жизни, чтобы не мешали жить нормальным людям.

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць