Грамадства33

Патэнцыйна расстрэльная справа: каб даведацца, дзе кампаньён схаваў наркотыкі, давялося яго забіць

Сквапнасць 29-гадовага беларуса прывяла яго на лаву падсудных, прычым судзяць яго адразу за забойства і за выраб і распаўсюд наркотыкаў. Ці ўдалося даведацца пра месца схову?

Ілюстрацыйнае фота

Гісторыя пачалася 4 красавіка 2022 года, калі ў міліцыю пазваніла жыхарка вёскі Бярозаўшчына Барысаўскага раёну і паведаміла пра мужчыну з нажом у руках, які стукаўся ў акно яе дома.

Як пазней высветлілася, мужчыну, якога завуць Сердар Мухамедаў, разам з сябрам Аляксеем Шуляком у вёску прывёз Ігар Шылейка — гэта і ёсць галоўны фігурант справы. Усіх іх аб'ядноўвала справа — распаўсюд наркотыкаў. Нагодай для паездкі стаў падзел атрыманых ад бізнэсу грошай.

Прапусціўшы гасцей у дом, Шылейка зʼехаў. А ў доме Шуляка і Мухамедава сустрэлі двое мужчын у масках. Пачалася бойка, у выніку якой Шуляк быў забіты. Мухамедава выратавала тое, што ён страціў прытомнасць. Калі мужчына прыйшоў у сябе, то злачынцаў у хаце не было. Узяўшы на ўсялякі выпадак нож, збіты Мухамедаў выйшаў на вуліцу і пайшоў шукаць дапамогі.

Як высветлілася падчас следства, Шылейка і Шуляк пазнаёміліся ў адной з падмаскоўных вёсак, дзе была наладжана вытворчасць метылэфедрону.

Частку прадукцыі мужчыны прысабечвалі, каб пасля прадаваць. Калі расійская паліцыя ліквідавала «мінізавод», мужчыны, надзяліўшы паміж сабою накрадзенае, выехалі ў Беларусь і працягнулі працаваць на той жа наркамаркет у якасці курʼераў.

Як вынікае з матэрыялаў справы, спачатку кампаньёны прадавалі партыю наркотыкаў, якую меў пры сабе Шылейка. Другая частка чакала сваёй чаргі і была схаваная. Месца ведаў толькі Шуляк.

Паколькі кампаньён не хацеў дзяліцца інфармацыяй, Шылейка вырашыў выпытаць сілаю. За дапамогай ён звярнуўся да трох іншых работнікаў наркамаркету. Праз знаёмага таксіста быў арандаваны дом у вёсцы, у які планавалася заманіць Шуляка. Пасля атрымання неабходнай інфармацыі, як сцвярджаюць следчыя, мужчыну планавалася забіць. Пасля гэтага ўсе ўдзельнікі справы павінны былі вылецець у Казахстан.

Паспяховай рэалізацыі планаў перашкодзіў Мухамедаў, які ўвязаўся за Шуляком. У выніку, калі на іх напалі незнаёмыя, мужчыны аказалі супраціў. Нападнікі так і не даведаліся, дзе Шуляк схаваў наркотыкі.

Як падлічылі эксперты, мужчыне было нанесена 57 траўмаў рознай ступені цяжкасці. Але памёр ён ад удушэння. На целе Мухамедава было выяўлена не менш за 12 траўмаў.

Пасля няўдалай аперацыі Шылейка разам з двума сваімі памагатымі зʼехаў у Расію. Праз некалькі дзён іх усіх арыштавалі на здымнай кватэры ў прыгарадзе Масквы.

Цяпер, як паведамляе «СБ. Беларусь сегодня», справу разглядае Мінскі абласны суд. Шылейку выстаўлена абвінавачанне ў вырабе і распаўсюдзе наркатычных рэчываў, а таксама ў арганізацыі і падрыхтоўцы забойства. Максімальна магчымае пакаранне па гэтых артыкулах — расстрэл.

Чытайце яшчэ:

Жыхара Наваполацка, які зарэзаў жонку на вачах у дзяцей, прызналі неадэкватным

У Італіі асуджанага на 30 гадоў забойцу адпусцілі ў пачатку тэрміна «з-за дрэннага харчавання» ў турме

Паліцыя Нідэрландаў затрымала 57-гадовага беларуса па падазрэнні ў забойстве іншага беларуса

Каментары3

  • bhagawan
    04.12.2023
    dalej budzie tolki horš, kali maskali nie syjduć z biełarusi.
  • Валянцін
    04.12.2023
    Шкада што не раскрыта як менавіта з імі звязаныя Брыштэль і бабруйскія спорцікі
  • Зброя.
    04.12.2023
    bhagawan, а яны што самi сыдуць?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць