Усяго патроху

У Дубровенскім раёне не паляцеў у вырай цалкам здаровы бусел. Вінавацяць людзей

Ад жыхароў вёскі Засценкі ў Дубровенскую раённую інспекцыю прыродных рэсурсаў і аховы навакольнага асяроддзя яшчэ ў канцы кастрычніка пачалі паступаць трывожныя паведамленні, што адзін з мясцовых буслоў не захацеў адлятаць у вырай разам са сваімі суродзічамі. Людзей хвалявала пытанне, як і дзе бусел будзе зімаваць, бо ўмоў для ператрымкі ў іх няма.

Калі прадстаўнікі інспекцыі разам са спецыялістамі Дубровенскай райветстанцыі выехалі на месца і правялі абследаванне фізічнага стану птушкі, то аказалася, што яна цалкам здаровая. Ляцець жа ў вырай бусел адмовіўся, хутчэй за ўсё, з-за таго, што людзі не першы месяц падкормлівалі яго рознымі дэлікатэсамі.

Акрамя таго, гэтага бусла неаднаразова заўважалі каля аб'ектаў грамадскага харчавання на АЗС, дзе людзі таксама маглі падкормліваць птушку.

У выніку было прынята рашэнне птушку адлавіць, але гэты працэс расцягнуўся на цэлы месяц, бо ў рукі бусел не даваўся, а калі да яго спрабавалі наблізіцца, то адлятаў. І толькі калі тэмпература паветра ўпала ніжэй за нуль і выпаў снег, жыхару вёскі Засценкі Яўгену Масейку ўдалося завабіць яго ў хлеў.Пасля дадатковага ветэрынарнага агляду злоўленага бусла вырашылі адправіць у Віцебскі заапарк.

Людзям жа нагадалі, што выратаванне дзікіх жывёл і птушак, якія трапілі ў бяду, справа высакародная, але пры гэтым не варта забываць, што ў дзікай прыродзе жывёлы і птушкі павінны ўмець самі знаходзіць сабе пражытак. Калі ж пералётных птушак, пачынаючы ад вясны, рэгулярна падкормліваць, то ў іх можа губляцца інстынкт адлёту ў вырай.

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м60

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?43

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза4

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць