Грамадства88

Прапагандыстаў масава адпраўляюць у дэпутаты. Вылучаецца нават Яўген Пуставы

Гігін, Шпакоўскі і Курчак балатуюцца ў Палату прадстаўнікоў, Эйсмант, Крывашэеў і Пуставы — у Мінгарсавет.

Новая з’ява беларускага палітычнага поля — прапагандысты рознага гатунку збіраюцца ў дэпутаты. Адныя спрабуюць трапіць у Палату прадстаўнікоў на пастаянны заробак, іншых адпраўляюць у Мінгарсавет.

Сярод патэнцыйных кандыдатаў у Палату прадстаўнікоў ужо дырэктар Нацыянальнай бібліятэкі Вадзім Гігін, а таксама Аляксандр Шпакоўскі, які апошнім часам пайшоў на дыпламатычную службу і трапіў у пасольства ў Расіі. Абодва прапагандысты вылучаюцца ад «Белай Русі», таму ў іх не ўзнікнуць праблемы з рэгістрацыяй.

Вадзім Гігін Вадим Гигин Vadim Gigin
Вадзім Гігін. Скрын відэа БТ

У нейкай ступені ў іх шэраг можна ўключыць і голас Генеральнай пракуратуры, начальніцу ўпраўлення па ўзаемадзеянні са СМІ Анжаліку Курчак.

Анжаліка Курчак

Выглядае, што ніводнага з ранейшых прадстаўнікоў пралукашэнкаўскай медыясупольнасці пераабіраць не збіраюцца, у спісах кандыдатаў няма ні экс-кіраўніка БТ і «Белай Русі» Генадзя Давыдзькі, ні экс-міністаркі інфармацыі Ліліі Ананіч, ні вядучага АНТ Тэнгіза Думбадзэ.

У Мінскім гарадскім савеце дэпутатаў колькасць тэлеперсанажаў будзе яшчэ большая. Самы статусны з іх — кіраўнік Белтэлерадыёкампаніі Іван Эйсмант.

Апроч яго, на дэпутацкае крэсла прэтэндуе і Андрэй Крывашэеў. Ён працуе генеральным дырэктарам агенцтва «Мінск-Навіны», а заадно лічыцца яшчэ і старшынёй праўладнага Беларускага саюза журналістаў. Мінгарсавет стане яго трэцяй нагрузкай. Крывашэеў балатуецца па Малінаўцы.

Нарэшце, вырашыў дадаткова рэалізаваць сябе і тэлевядучы СТБ Яўген Пуставы. Ён жыхар Ждановічаў, але балатуецца па Ахоцкай акрузе.

Яўген Пуставы, фота sb.by

Адметна, што ў цяперашнім скліканні Мінгарсавета засядае толькі адзін прадстаўнік дзяржаўных СМІ, гэта вядучы АНТ Яўген Лашкоўскі. Але ён займаецца толькі побытавымі праблемамі Уручча і не робіць ніякіх палітычных заяваў.

Каментары8

  • Жыва-глод
    26.12.2023
    Бо ведаюць, што выбараў няма
  • Ядвига
    26.12.2023
    Метят территорию, по-другому не скажешь
  • Апчхи
    26.12.2023
    Все, что нужно знать о депутатах. Пустовой! Ахахаха. Дебилы-депутаты.

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць