Грамадства

Памерла 95-гадовая Марыя Бялевіч, дзяячка паваеннага незалежніцкага падполля

На яе супольнай з мужам магіле напісана «Хай сняцца сны аб Беларусі».

Марыя Бялевіч. Фота: spring96.org

Марыя Бялевіч памерла ў снежні, але пра гэта стала вядома толькі цяпер.

«Яе муж Леў Бялевіч памёр у 2016-м. На яго помніку напісаны словы «Хай сняцца сны аб Беларусі». У снежні 2023-га ва ўзросце 95-ці год побач з мужам пахавалі і Марыю Бялевіч. Адзін з букетаў‌ на яе пахаванні быў бел-чырвона-белы. Ад Беларусі», — паведаміў у фэйсбуку адзін са знаёмых Марыі Бялевіч.

Марыя Бялевіч (Бабіч) нарадзілася ў 1928 годзе ў Бабічах Дзісенскага павета, тады гэта была Заходняя Беларусь. У 1946 годзе падчас навучання ў Глыбоцкай педагагічнай вучэльні далучылася да нязбройнай арганізацыі «За Беларусь», якая пазней улілася ў Саюз беларускіх патрыётаў: студэнты вырашылі папулярызаваць беларускую мову і культуру, ідэю незалежнасці Беларусі, супраціўляцца русіфікацыі навучальнага працэсу.

25 сакавіка 1946 г. разам з іншымі сябрамі СБП прымала прысягу на вернасць беларускаму народу. У верасні 1947 года была арыштаваная з братам Іванам. Марыю Бабіч асудзілі разам з маці Ганнай і дзядзькам Аляксеем Бабічам, якіх судзілі за неданясенне на «ворагаў народу», на 10 год канцлагераў. Пакаранне адбывала ў Комі АССР, Кіраўскай вобласці, у Азерлагу пад Тайшэтам, працавала на будаўніцтве чыгункі Тайшэт-Брацк, потым у Мардоўскай АССР. У 1955 г. разам з братам была накіравана ў Маладзечна на перагляд судовай справы, дзе ёй скарацілі тэрмін да 8 год.

Марыю вызвалілі ў лютым 1956 г., вярнулася ў Беларусь. Пабралася шлюбам з сябрам Глыбоцкай групы СБП Львом Бялевічам, ад якога пазней мела дачку. Пасля вяртання ў Беларусь актывісты знаходзіліся пад ціскам мясцовых уладаў, таму разам з братам і мужам выехала на заробкі ў Інту (Комі АССР).

Каментары

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

«Настаў час крыху адступіць». Сабаленка расказала, што заставалася за кадрам яе няўдалага сезона4

Ізраіль загрузіў мільёны фотаздымкаў у сістэму распазнавання твараў Amazon, каб сачыць за палесцінцамі7

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць