Свет11

Арменія «замарозіла» ўдзел у АДКБ

Таксама Нікол Пашынян асцерагаецца, што Азербайджан нападзе на Арменію.

Нікол Пашынян. Фота: Mikhail Metzel, Sputnik, Kremlin Pool Photo via AP

Удзел Арменіі ў Арганізацыі Дамовы аб калектыўнай бяспецы (АДКБ) — замарожаны, заявіў прэм'ер-міністр краіны Нікол Пашынян у інтэрв'ю тэлеканалу France 24, піша news.am.

Тым самым ён адказаў на пытанне вядучага, ці мае намер Ерэван выйсці з арганізацыі, у якой «дамінуе Расія».

Яшчэ ў лістападзе мінулага года ён казаў, што Арменія не рыхтуецца пакінуць АДКБ.

Падчас свайго адказу французскім журналістам прэм'ер-міністр Арменіі паведаміў таксама, што так званая дамова аб калектыўнай бяспецы ў дачыненні да Ерэвана не выконвалася, асабліва ў 2021-2022 гадах — у прыватнасці, калі Пашыняну прапанавалі падпісаць сумесную дэкларацыю Савета калектыўнай бяспекі АДКБ з-за адсутнасці палітычнай ацэнкі агрэсіі Азербайджана супраць суверэнітэту Арменіі.

«Гэта не магло застацца без нашай увагі. Мы прыпынілі наш удзел. Паглядзім, што будзе далей», — сказаў Пашынян.

На пытанне аб магчымым закрыцці расійскай вайсковай базы на тэрыторыі Арменіі Пашынян не даў канкрэтнага адказу. Гэтая тэма «не стаіць на парадку дня», сказаў ён.

Таксама прэм'ер мяркуе, што напад Азербайджана на Арменію вельмі імаверны.

«Перад намі задача выказаць у мірным пагадненні тыя тры прынцыпы, якія былі задэклараваныя і апублікаваныя ў рамках дамоўленасцяў, дасягнутых на міжнародных пляцоўках. Аналізуючы гэтыя праблемы і заявы, якія зыходзяць з афіцыйнага Баку, мы прыходзім да высновы, што так, напад на Арменію вельмі імаверны», — сказаў Пашынян.

Прэм'ер-міністр удакладніў, што афіцыйныя заявы Баку аб «заходнім Азербайджане» азначаюць, што большая частка тэрыторыі Арменіі з'яўляецца азербайджанскай.

Акрамя таго, са слоў Пашыняна, Азербайджан практычна не прызнае тэрытарыяльную цэласнасць Арменіі і недатыкальнасць яе межаў, нягледзячы на тое, што «на дыпламатычным узроўні Азербайджан запэўнівае, што не мае намеру напасці».

Каментары1

  • Болеслав
    23.02.2024
    Правильно. А теперь Азербайджана нужно пробить коридор в Нахичевань.

Цяпер чытаюць

Крымскі мост зруйнаваны ўдарам украінскіх ракет43

Крымскі мост зруйнаваны ўдарам украінскіх ракет

Усе навіны →
Усе навіны

Па Мазыры панесліся чуткі пра маньяка і серыйныя забойствы. А што напраўду?

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

больш чытаных навін
больш лайканых навін

Крымскі мост зруйнаваны ўдарам украінскіх ракет43

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць