Свет

Паветраны ўдар па Сірыі: каля Алепа загінулі каля 40 чалавек. Дамаск абвінавачвае Ізраіль

Удар быў накіраваны супраць склада зброі, які належыць ліванскай ваенізаванай групоўцы «Хезбала».

Ілюстрацыйнае фота: Omar Sanadiki / AP

Паводле звестак, якія паступаюць з Сірыі, у выніку паветранага ўдару каля горада Алепа загінулі прынамсі 42 чалавекі. Сірыйскае Міністэрства абароны заявіла, што тэрыторыю краіны абстралялі самалёты вайскова-паветраных сіл Ізраіля, піша Бі-бі-сі.

Паводле звестак Сірыйскага цэнтра маніторынгу за выкананнем правоў чалавека (незалежная праваабарончая група, якая месціцца ў Лондане), удар быў накіраваны супраць склада зброі, які належыць ліванскай ваенізаванай групоўцы «Хезбала». Арганізацыя заявіла, што сярод загінулых былі, па яе выразе, «вайскоўцы рэжыму».

Ізраільская армія заявіла Бі-бі-сі, што не каментуе дадзеныя аб удары па Сірыі. Прадстаўнікі ўладаў Ізраіля, як правіла, не даюць каментароў аб дзеяннях ізраільскіх вайскоўцаў за межамі краіны.

Сірыйскі цэнтр маніторынгу за выкананнем правоў чалавека сцвярджае, што ў выніку цяперашняга ўдару была забітая найбольшая колькасць сірыйскіх вайскоўцаў у параўнанні з усімі падобнымі абстрэламі, як мяркуецца ажыццёўленымі Ізраілем.

Паводле звестак праекта, мноства людзей атрымалі раненні, у тым ліку цяжкія. Цэнтр сцвярджае, што быў знішчаны склад зброі ў раёне Джабрын каля міжнароднага аэрапорта Алепа, а таксама аб'ект сірыйскіх сіл СПА, размешчаны прыкладна за 20 км ад горада. Выбухі таксама былі чутныя ў адным з заходніх раёнаў Алепа.

Reuters перадае са спасылкай на дзве крыніцы ў сілах бяспекі, што сярод загінулых было прынамсі пяцёра чальцоў «Хезбалы». Паводле звестак гэтага агенцтва, у выніку ўдару былі забітыя 38 чалавек.

Сірыйскае Міністэрства абароны сцвярджае, што сярод загінулых — мірныя жыхары і вайскоўцы ўзброеных сіл Сірыі. Паводле заявы ведамства, паветраныя ўдары былі нанесеныя каля Алепа адначасова з нападамі беспілотнікаў, ажыццёўленымі нейкімі »тэрарыстычнымі арганізацыямі».

За апошнія гады Ізраіль ажыццявіў сотні паветраных удараў па Сірыі, знішчаючы аб'екты «Хезбалы» і іншых структур, звязаных з Іранам.

Ізраільскія ўлады спрабуюць прадухіліць умацаванне вайсковай сілы «Хезбалы» на тэрыторыі Сірыі і перашкаджаюць Ірану перадаваць групоўцы сучасную зброю.

Іран і »Хезбала», блізкімі саюзнікамі якіх З'яўляецца Сірыя, лічаць сваёй мэтай спыненне існавання дзяржавы Ізраіль.

Яны таксама падтрымліваюць палестынскую групоўку ХАМАС, якая 7 кастрычніка 2023 года напала на Ізраіль, што справакавала вайну ў сектары Газа.

Каментары

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

У Гданьску беларус сказаў паліцэйскім, што ўдзельнічае ў конкурсе па пошуку схаваных наркотыкаў2

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць