Навука і тэхналогіі44

Навукоўцы ператварылі жывых прусакоў у групу міні-кібаргаў

Першыя выпрабаванні прайшлі ў Сінгапуры. Што гэта можа даць?

мадагаскарскія тараканы Gromphadorhina portentosa
Мадагаскарскі прусак. Фота: Wikimedia Commons

Як піша The Independent, група даследчыкаў з Наньянскага тэхналагічнага ўніверсітэта ў Сінгапуры апрабавала ў пустыннай мясцовасці сваё войска буйных мадагаскарскіх прусакоў (Gromphadorhina portentosa).

Для кіравання імі на спінках насякомых усталявалі малюсенькія камп’ютарныя заплечнікі, абсталяваныя электродамі. З іх дапамогай навукоўцы маглі пасылаць імпульсы, каардынуючы рухі тараканаў. Пры гэтым насякомыя маглі самастойна абгінаць перашкоды.

Як адзначае выданне, кіраваць асобнымі тараканамі навукоўцам удавалася і раней. Але ў гэтым выпадку гаворка ідзе менавіта пра групу з 20 асобін, рух якой удалося каардынаваць.

Для гэтага быў распрацаваны алгарытм навігацыі з выкарыстаннем лідара групы — прусака, які ведаў мэтавую пазіцыю і вёў астатніх за сабой. Так што кіраванне па сутнасці звялося да карэкцыі кірунку руху правадыра. Астатнія арыентаваліся па ўзаемным размяшчэнні адзін на аднаго.

Па словах даследчыкаў, група праявіла некалькі інтрыгоўных асаблівасцяў падчас перасоўвання па тэрыторыі, якая імітавала складаныя ўмовы пустыні з узгоркамі і скаламі.

Так алгарытм узаемадзеяння паміж суседнімі прусакамі дапамагаў кібаргам выбрацца са складанай сітуацыі. Навукоўцам удалося задакументаваць, як прусакі дапамагалі свайму сабрату зноў устаць на ногі, калі той выпадкова перакульваўся на спіну.

Даследнікі спадзяюцца, што такі рой прусакоў-кібаргаў можна будзе выкарыстоўваць у пошукава-выратавальных аперацыях пасля стыхійных бедстваў або пры даследаванні зон павышанай рызыкі.

«Гэта даследаванне робіць уклад у галіну роевай робататэхнікі і дэманструе патэнцыял інтэграцыі біялагічных арганізмаў з робататэхнікай і тэорыяй кіравання для стварэння больш інтэлектуальных аўтаномных сістэм, якія могуць быць выкарыстаны для выканання канкрэтных задач у паўсядзённым жыцці», — адзначаецца ў даследаванні.

Каментары4

  • Стёпа
    19.04.2024
    Ну просто для выратовальных операций … инфекционные болезни будут разносить или яды… обычно вся их наука этому служит
  • Стоп таракан!
    19.04.2024
    Дзе там у Сынгапуры пустынная мясцовасць, цікава?
  • Хуч
    19.04.2024
    Тараканія бягі!

Цяпер чытаюць

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Усе навіны →
Усе навіны

Сі не дазволіў Пуціну стаць побач з сабой і Трампам на агульным фота саміта АЦЭС23

У былой прапагандысткі АНТ у Аўстраліі скралі машыну. Але хутка кінулі, бо ламачча11

Еўракамісія прапанавала выдаць Украіне 45 мільярдаў еўра пад агульны доўг краін ЕС2

Удары па расійскіх НПЗ пагрузілі краіну ў найгоршы паліўны крызіс з часоў распаду Савецкага Саюза7

У Польшчы будуць судзіць жанчыну, якая збіла ўкраінскіх дзяцей і ўхваляла расійскую агрэсію4

У Расіі доктар памылкова прызнаў пацыентку памерлай. А потым забіў яе ў моргу, каб схаваць памылку8

Егіпецкі самалёт двойчы за ноч сядаў у Мінску па дарозе ў Маскву

У Брэсцкім універсітэце правялі паказальны суд за «абразу Лукашэнкі»5

«Выгуляю сабаку за 5 еўра». Як айцішнік выжывае ў Іспаніі — у Польшчы яго звольнілі за тое, што пераехаў7

больш чытаных навін
больш лайканых навін

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку14

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку

Галоўнае
Усе навіны →

Заўвага:

 

 

 

 

Закрыць Паведаміць