Грамадства1515

Бюджэт 6 мільёнаў еўра, штат 50 супрацоўнікаў. У Варшаве прэзентавалі праект Нацыянальнага даследчага ўніверсітэта

У варшаўскім стартап-хабе «Імагуру» 29 траўня прадставілі Канцэпцыю стварэння Беларускага нацыянальнага даследчага ўніверсітэта, піша «Радыё Свабода». Ідэя стварэння БНДУ належыць беларускім навукоўцам-гуманітарыям, якія апынуліся ў выгнанні.

У запланаваным універсітэце не будзе бакалаўрыяту, толькі магістратура і дактарантура. У якой канкрэтна краіне ён будзе працаваць, пакуль невядома.

Паводле аўтараў праекта, базавымі мовамі навучання і даследаванняў ва ўстанове будуць беларуская і англійская мовы. Беларуская будзе мовай справаводства, яна будзе дамінаваць у публічнай камунікацыі, запэўніваюць ініцыятары.

«Місія ўніверсітэта — стварэнне вольнай прасторы для развіцця крытычнага мыслення, якое не было б абмежаванае палітычнымі, эканамічнымі межамі», — гаворыць прафесар Павел Церашковіч.

Ён падкрэслівае, што галоўны акцэнт будзе рабіцца менавіта на даследчыцкую працу.

Мяркуецца, што будзе створана 5 асноўных даследчых цэнтраў, якія прэзентаваў філосаф Павал Баркоўскі.

  • Цэнтр гістарычных даследаванняў;
  • Цэнтр або Дэпартамэнт адукалогіі (Марына Сакалова, Святлана Мацкевіч);
  • Цэнтр філасофскіх даследаванняў (Павел Баркоўскі, Вольга Шпарага);
  • Цэнтр антрапалагічных даследаванняў (Павел Церашковіч);
  • Цэнтр даследаванняў міжнародных адносін (Віктар Шадурскі, Роза Турарбекава).

Таксама ў перспектыве будуць створаныя яшчэ 3 структуры:

  • Інстытут сацыялогіі і Цэнтр эмпірычных даследаванняў (Генадзь Коршунаў і Андрэй Вардамацкі);
  • Беларускі інстытут публічнай гісторыі (Ігар Станкевіч і Аляксей Ластоўскі);
  • Інстытут беларускай мовы (Лілія Плыгаўка).

У больш аддаленых планах — стварэнне Цэнтра міжнароднага права і Цэнтра кагнітыўных і камп'ютарных навук.

Папярэдні бюджэт праекта — 2 мільёны еўра ў год, адпаведна, 6 мільёнаў еўра на 3 гады (без уліку дадатковага бюджэту аўтаномных адзінак).

Мяркуецца, што адбудзецца працаўладкаванне каля 50 чалавек (35 навуковых супрацоўнікаў, 11 чалавек — адміністрацыйны і дапаможны персанал. Плюс рэктар і 8 структурных адзінак на дэпартаменты).

Папярэдняя структура напаўнення бюджэту:

  • Грантавыя праграмы;
  • Данаты і фонд развіцця;
  • Індывідуальныя і інстытуцыйныя міжнародныя даследчыя гранты;
  • Платныя паслугі.

Ініцыятары сцвярджаюць, што прадстаўнікі беларускага бізнэсу таксама гатовыя ўкласціся ў фінансаванне Беларускага нацыянальнага даследчага ўніверсітэта.

Рэгістрацыя і акрэдытацыя ўніверсітэта ў адной з краін Еўрасаюза запланаваная на 2025—2026 гады. Мяркуецца, што адбудуцца камунікацыі з палітыкамі і профільнымі міністэрствамі наступных краін Еўрасаюза: Польшчы, Літвы, Нямеччыны, Чэхіі, Эстоніі.

Пакуль невядома, якая краіна пагодзіцца прыняць Беларускі нацыянальны даследчы ўніверсітэт.

Каментары15

  • Жэўжык
    30.05.2024
    Жора, але ж фінансаванне ідзе ад пракрамлеўскага фонду USAID і еўрапейскіх левакоў.
  • Влад
    30.05.2024
    Ну теперь заживём! :-)
  • Влад
    30.05.2024
    Жора, нафиг та мова нужна? Что на этой мове есть из науки? Физика? Математика? Медицина? Астрономия? Философия? Мож фильмы снимаются, сериалы? Мож какие литературные произведения? 

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва60

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць