Меркаванні236236

«Будучыня рускай мовы — гэта мёртвая латынь. Яе не будзе». Зянон Пазняк расказаў пра будучы геапалітычны пералом і місію новай Беларусі

У інтэрв'ю радыё «Рацыя» вядомы палітык, лідар руху «Вольная Беларусь» Зянон Пазняк падзяліўся сваімі геапалітычнымі поглядамі. Ён расказаў, што мусяць рабіць беларусы, «калі Расея будзе аслаблена і будзе ў пэўнай ступені дэзынтэграваная», і не пакінуў ніякага шанцу на выжыванне расейскай мове.

Паводле Зянона Пазняка:

«Асноўная наша задача і асноўныя кантакты — гэта Усход. Гэта дапамагаць вызваліцца ад імперыі, стаць на ногі, адрадзіцца чувашам, Мардовіі, Чачэніі, якутам, башкірам — усім вось гэтым народам абавязкова. Гэта будучыня ўладкавання свету, гэта будучыня. Бо Расея іх прыдушыла, знішчыла іхнія мовы, усё».

Прытым, паводле слоў палітыка, гэта ўжо робіцца і цяпер, не чакаючы будучыні:

«Зараз мы гэтым займаемся. Мы падтрымліваем Смаленскую зараз рэспубліку, ёсць ужо ініцыятары, Канстытуцыю ўжо напісалі. Падтрымліваем таксама Мардовію, Чувашыю, Якуцію, Татарстан».

Пры гэтым ён мае спадзеў, што «Смаленшчына вернецца, напэўна».

Мае надзею ён таксама, што паўстануць з попелу і старажытныя наўгародцы:

«Дарэчы, наўгародцы яшчэ жывуць і ёсць наўгародская мова ў Ленінградскай вобласці. І я яшчэ думаў туды паехаць у 1960-70-х гадах, але пачаўся Фронт, і ўсё… Некалькі вёсак там нават гавораць на наўгародскай мове. Гэта я гаварыў з культурыстамі і этнографамі расейскімі і ўкраінскімі. І цяпер гэтыя маленькія групы там аб'ядноўваюцца і пачынаюць вяртацца да сваіх вытокаў».

Несці беларускую цывілізацыйную місію на Захад Зянон Пазняк не бачыць сэнсу, бо, як заўсёды, цвяроза ацэньвае сілы і магчымасці:

«Бо на Захадзе мы нічога, як кажуць, не зробім. Захад ужо стабілізаваўся і паступова дэградуе. Ну, так гэта, калі рэзка сказаць. На Захадзе мы нічога не зробім, там усё ўстояна. І нават калі нашыя ідэі, а яны ў значнай ступені больш прагрэсіўныя і лепшыя нацыянальныя, то мы туды іх не ўнясём, таму што ў іх самамненне, што цэнтр свету — гэта яны, ім так здаецца. І нам няма сэнсу іх пераконваць, што яны горшыя за нас, няма ніякага сэнсу».

А вось Усход — справа іншая, тут кірунак несумненна больш перспектыўны, і не толькі ў рэгіянальным маштабе: 

«Гэта будучыня ўладкавання свету… І гэта вельмі важна, каб гэтая Усходняя Еўропа да Урала адрадзілася. Яна можа адрадзіцца, калі Расея дэзынтэгруецца».

Калі гэта адбудзецца, то вырашыцца праблема і расейскай мовы, для якой у будучым палепшаным свеце Пазняк бачыць зусім не пачэснае месца:

«І вось тады, калі адродзяцца і ненцы, і мардва, і чувашы, татары, башкіры, і тады акажацца, што існуе такая мёртвая мова, якая называецца рускай. Калі падае імперыя, якая прыгнятала нацыі і нацыі гэтыя адраджаюцца, то імперская мова робіцца мёртвай. Будучыня рускай мовы — гэта мёртвая латынь. Яе не будзе, гэта мова будзе мёртвай, калі адродзяцца гэтыя народы. Вось якая будучыня «великого русского языка».

З заўвагай журналіста, што такой перспектывы давядзецца чакаць надта доўга, палітык не згодны:

«Нічога тут не доўга. Ну, канешне, гэта прыйдзе не праз 10 гадоў, а пройдзе болей. Але яно так будзе. Бо Рымская імперыя вельмі добра гэта ўсё даказала. Рымская мова — гэта ого-го, класіка! Але падобныя ішлі працэсы, усякія этнасы, а аказваецца, што рымлян-то і няма, рымскага этнасу то няма, ён знік! І хто гаворыць на рымскай мове? Усё, этнасы сталі гаварыць на сваіх мовах, на этнічных. І латынь якой стала? Мовай рэлігіі і навукі, яна стала мёртвай». 

Зрэшты, параўнанне з лацінай для «великого русского языка» занадта пачэснае, ён таго не заслугоўвае. Бо

«рымская мова — усё-такі гэта была вялікая культура, а расейскай вялікай культуры няма — гэта дэфектная культура, гэта культура імперская, яна антычалавечая. Гэтак жа сама як антычалавечая руская літаратура, інакш я яе не называю, як паскудная руская літаратура, гэта жах. Бо мы ў школах успрымалі гэта ўсё не крытычна. Той жа Лермантаў — гэта жах».

І нават Кітай, які пасля знікнення Расіі відавочна будзе складаць новую пагрозу для Беларусі, палітыка пры такім раскладзе не надта палохае:

«Безумоўна, што гэта пытанне ўзнікне. Але яно не будзе такім жахлівым, як з Расеяй. Таму што больш жахлівай імперыі, больш жахлівай дзікай арды, як Расея, на зямлі не было».

Каментары236

  • Высокі градус.
    09.06.2024
    Прачытаў.
    Цяпер трэба закусіць. Абавязкова.
  • Зянон Пазняк падтрымлівае Смаленскую Рэспубліку...
    09.06.2024
    Губамі
  • Илья
    09.06.2024
    А при коммунизме всё будет за*сь, он наступит скоро, надо только подождать...

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць