Свет11

Пуцін унёс у Дзярждуму законапраект аб усеагульным стратэгічным партнёрстве з КНДР

Асобны пункт закона дазваляе паўночнакарэйскім войскам прыняць непасрэдны ўдзел у вайне ва Украіне.

Уладзімір Пуцін з паўночнакарэйскім лідарам Кім Чэн Ынам падчас візіту ў КНДР у чэрвені 2024 года. Фота: Korean Central News Agency / Korea News Service via AP 

Расійскі лідар Уладзімір Пуцін унёс у Дзярждуму законапраект аб ратыфікацыі дамовы аб усебаковым стратэгічным партнёрстве паміж Расіяй і Паўночнай Карэяй, якая была падпісаная яшчэ ў чэрвені гэтага года падчас візіту Пуціна ў КНДР, піша «Інтэрфакс».

У праекце закона, апроч іншага, пазначаецца, што ў выпадку парушэнняў суверэнітэтаў Расіі ці КНДР, уключаючы стан вайны, краіны павінны аказваць адна адной усеагульную вайсковую дапамогу.

Пункт 4 дамовы адзначае, што калі адзін з бакоў пагаднення падвергнецца ўзброенаму нападу з боку якой-небудзь дзяржавы або некалькіх дзяржаў і такім чынам акажацца ў стане вайны, то другі бок неадкладна акажа вайсковую і іншую дапамогу ўсімі сродкамі, якія ёсць у ягоным распараджэнні, у адпаведнасці з артыкулам 51 Статута ААН (самаабарона) і згодна з заканадаўствам Расійскай Федэрацыі і Карэйскай Народна-Дэмакратычнай Рэспублікі, перадае «Інтэрфакс».

Акрамя таго, у законапраекце напісана, што бакі пагаднення павінны на пастаяннай аснове падтрымліваць і развіваць адносіны ўсебаковага стратэгічнага партнёрства, якія базуюцца на прынцыпах узаемнай павагі дзяржаўнага суверэнітэту і тэрытарыяльнай цэласнасці, неўмяшальніцтва ва ўнутраныя справы, роўнасці і іншых прынцыпах міжнароднага права, якія датычацца сяброўскіх адносін і супрацоўніцтва паміж дзяржавамі.

Нагадаем, што, па інфармацыі афіцыйных асоб Украіны і Паўднёвай Карэі, на тэрыторыі Расіі цяпер трэніруюцца «некалькі тысяч» паўночнакарэйскіх пехацінцаў, якія потым да канца года адправяцца на лінію фронту ва Украіне. Пры гэтым некаторыя афіцэры і салдаты КНДР ужо знаходзяцца ва Украіне.

Першыя паведамленні пра планы КНДР накіраваць уласныя войскі ва Украіну на дапамогу Расіі з'явіліся яшчэ ў ліпені гэтага года. Тады паведамлялася, што лідар КНДР Кім Чэн Ын плануе перакінуць у акупаваныя вобласці Украіны будаўнічыя і інжынерныя войскі.

Тым часам крыніцы ў заходніх разведках раскрылі, што Паўночная Карэя перадала Расіі каля 3 мільёнаў снарадаў за год, што складае палову ад усіх выкарыстаных Расіяй боепрыпасаў ва Украіне ў гэтым годзе.

Каментары1

  • прокладка для Китая
    15.10.2024
    Северно-корейское пушечное мясо обойдётся дешевле российского, пушечного мяса.
    На крайни случай можно запускать китайское, пушечное мясо, как корейское. С вооружением и оборудованием так и делают.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць