Вайна

У «плане перамогі» Зяленскага ёсць пункт аб няядзерным стрымліванні. Што гэта можа быць?

«Стрымліванне», якое апісвае новы пакет, мае на ўвазе, што ў выпадку нападу на Украіну негатыўныя наступствы павінны перавысіць любыя патэнцыйныя выгады, піша Бі-бі-сі.

Уладзімір Зяленскі. Фота: Olivier Matthys, Pool Photo via AP

Прэзідэнт Украіны Уладзімір Зяленскі прадставіў у Вярхоўнай Радзе «план перамогі». Адзін з пунктаў тычыцца няядзернага стрымлівання. 

У ім прапануецца размясціць на тэрыторыі Украіны няядзерны стратэгічны пакет стрымлівання. Пры гэтым у самім дакуменце змест гэтага пакета не ўдакладняецца — паведамляецца, што падрабязнасці былі накіраваныя ў Вашынгтон і лідарам некалькіх еўрапейскіх краін.

Тое, што гаворка не ідзе пра ядзерную зброю, — важная дэталь, таму што любую згадку ядзернай зброі Кіевам вельмі нервова ўспрымаюць у Маскве. І такая згадка, хутчэй за ўсё, была б разгледжаная як падстава для эскалацыі, піша Бі-бі-сі.

Слова «стрымліванне», якое апісвае новы пакет, мае на ўвазе, што ў выпадку нападу на Украіну негатыўныя наступствы павінны перавысіць любыя патэнцыйныя выгады. Гэта называецца «непрымальная шкода».

«Непрымальная шкода» — паняцце даволі шырокае, хоць звычайна яго ўспрымаюць у кантэксце зброі масавага паражэння. Аднак гаворка можа ісці і пра звычайную зброю, калі патэнцыйная шкода настолькі маштабная, каб стаць сапраўды непрымальнай.

Слова «стратэгічны» якраз і азначае, што ўздзеянне гэтага пакета будзе вырашаць не асобныя ваенныя задачы, а агульныя, дзяржаўнага ўзроўню.

Што можа быць у гэтым пакеце?

Гэта можа быць сістэма ўзбраенняў, напрыклад, ПРА далёкага дзеяння, балістычныя або крылатыя ракеты, далёкасць якіх будзе закранаць аддаленыя вобласці Расіі.

Гаворка можа ісці і пра вайсковую базу, на якой будзе размешчаны замежны кантынгент — у такім выпадку ўдар па ёй будзе ўспрыняты як напад ужо на іншую дзяржаву, і наступствы будуць пагражаць непрымальнымі стратамі.

Нарэшце, стрымліванне можна забяспечыць і проста магутнымі ўзброенымі сіламі, здольнымі даць адпор шырокамаштабнаму нападу. Магчымыя і іншыя варыянты.

Дэталі гэтага пункта Зяленскі накіраваў кіраўніцтву ЗША, Вялікабрытаніі, Францыі, Італіі і Германіі. Верагодна, гэта тыя краіны, якія патэнцыйна маглі б такое стрымліванне забяспечыць.

Каментары

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць