Свет22

Вялікабрытанія ўвядзе шырокамаштабныя санкцыі супраць «ценявога флоту» Расіі

Кіраўнік брытанскага МЗС Дэвід Лэмі падкрэсліў, што гаворка ідзе пра самы вялікі пакет мераў супраць суднаў, якія выкарыстоўваюцца для абыходу санкцый у дачыненні да расейскай нафты. У санкцыйным спісе — 30 суднаў.

Расійскі танкер «Анатолій Калодкін», які трапляе пад брытанскія санкцыі

Дэвід Лэмі, заяўляючы пра ўвядзенне санкцый, таксама заклікаў саюзнікаў па «Вялікай сямёрцы» аказаць Украіне падтрымку — у прыватнасці, у сферы вайсковых паставак — у той меры, у якой гэта неабходна.

Вялікабрытанія і іншыя заходнія краіны імкнуцца максімальна ўзмацніць пазіцыі Украіны напярэдадні зімы. Перад адкрыццём нарады міністраў замежных спраў краін G7 у Італіі Лэмі выказаў упэўненасць у тым, што Кіеў атрымае «сродкі, вайсковую тэхніку і рыштунак, каб перажыць 2025 год».

Вялікабрытанія канстатуе, што Уладзімір Пуцін не праявіў «ніякіх прыкмет жадання весці перамовы» аб спыненні вайны з Украінай, адзначыў брытанскі міністр.

Выступаючы перад журналістамі, Лэмі заявіў, што меры, анансаваныя Лонданам, уяўляюць сабой самы вялікі пакет санкцый супраць расійскага ценявога флоту — караблёў, якія, як падкрэслівае Вялікабрытанія, выкарыстоўваюцца для абыходу ўведзеных краінамі Захаду абмежаванняў у дачыненні да расейскай нафты.

МЗС Вялікабрытаніі растлумачыў, што судны, унесеныя ў санкцыйны спіс, у мінулым годзе перавезлі нафту і нафтапрадукты на мільярды фунтаў стэрлінгаў і што дзякуючы новым мерам колькасць нафтавых танкераў, якія знаходзяцца пад санкцыямі Вялікабрытаніі, складзе 73.

У санкцыйны спіс увайшлі танкеры «Белгарад», «Брацк», «Краснаярск», «Кемерава», «Каломна», «Анатолій Калодкін», «Георгій Маслаў», «Віктар Бакаеў», «Антарктыка» і іншыя.

Вялікабрытанія таксама заявіла, што пад санкцыі трапілі дзве расійскія страхавыя кампаніі, «АльфаСтрахование» і ВСК, якія абслугоўваюць гэты флот.

Каментары2

  • Беларус
    25.11.2024
    Дзякуй Брытаніі!
  • Адмірал Нельсан
    26.11.2024
    Трэба проста даць дазвол флібусцьерам тапіць гэтыя карыты.

Цяпер чытаюць

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны38

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць