Свет66

Указ Трампа аб спыненні міжнароднай падтрымкі не тычыцца дапамогі Украіне ў сферы бяспекі

Прэзідэнцкі ўказ Дональда Трампа пра 90-дзённую паўзу ў аказанні міжнароднай падтрымкі не ўплывае на праграмы ўзброенай дапамогі Украіне. Гэта Украінскай службе «Голасу Амерыкі» паведамілі ў Пентагоне.

Дональд Трамп. Фота: Anna Moneymaker/Getty Images

«Дапамога ў сферы бяспекі Украіне не падпадае пад абмежаванне нядаўняга ўказа аб замежнай дапамозе, паколькі ён тычыцца толькі праграм развіцця, а не вайсковай падтрымкі», — паведамілі ў Мінабароны ЗША.

Гэта азначае, што кантракты на выраб зброі для Украіны па праграме USAI, аформленыя адміністрацыяй Джо Байдэна, застаюцца ў сіле. Таксама канкрэтны ўказ Трампа не ўплывае на якія-небудзь рэшткавыя і раней запланаваныя пастаўкі зброі са складоў ЗША па праграме PDA, абвешчанай Джо Байдэнам.

Як прэзідэнцкі ўказ Трампа можа паўплываць на неваенную дапамогу для Украіны, пакуль невядома. 

У першы свой дзень на пасадзе прэзідэнта Дональд Трамп падпісаў указ аб 90-дзённым спыненні замежнай дапамогі ЗША на праграмы развіцця. У ім гаворыцца, што ўсе кіраўнікі міністэрстваў і агенцтваў, якія адказваюць за праграмы ЗША па дапамозе ў замежным развіцці, павінны неадкладна прыпыніць выдзяленне і выплату сродкаў замежным краінам і міжнародным няўрадавым арганізацыям — да перагляду такіх праграм на эфектыўнасць і адпаведнасць палітыцы ЗША. Такую праверку павінны правесці на працягу 90 дзён з моманту падпісання ўказа.

У тэксце дакумента гаворыцца, што ніякая далейшая знешняя дапамога ЗША не будзе аказвацца спосабам, які не цалкам адпавядае знешняй палітыцы прэзідэнта Злучаных Штатаў.

Каментары6

  • Ха
    24.01.2025
    Well well well, А як Зянон Пазняк патлумачыць сваю падтрымку ад БЕЛТА?
  • Мх
    24.01.2025
    Ха , Не трэба дзейнічаць "абы не так як у людзей". Трэба думаць галавой. Што Зянон і робіць. Калі меркаванні нават ворагаў у пэўных пытаннях супадаюць, па вашаму, трэба прынцыпова зрабіць наадварот? Украінцы, напрыклад ваявалі ці ваююць і савецкай/расейскай зброяй, бо гэта найперш зброя.
  • Ха
    24.01.2025
    Мх, Пытанняў больш не маю, працягвайце яднацца з лукой, галоўнае да астатніх беларусаў не лезьце.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць