Навука і тэхналогіі22

Тутанхамон быў мужык, якіх многа + фота

У фараона Тутанхамона не было прыгожага, падобнага да жаночага твару. Ён быў звычайным мужчынам, ідучы трохі касалапіў, а памёр ад пералому, выкліканага крохкасцю касцей, якая ўскладнілася малярыяй. Такія вынікі антрапалагічнага і генетычнага вывучэння мумій каралеўскай сям'і Старажытнага Егіпта.

Навукоўцы прааналізавалі не толькі мумію Тутанхамона, але і муміі яго сваякоў, што дазволіла атрымаць паўнейшую інфармацыю пра выгляд і здароўе егіпецкіх фараонаў таго часу.

Сям'я Тутанхамона – XVIII дынастыя Новага царства (1550–1295 гг. да н.э.) – належала да аднаго з самых уплывовых каралеўскіх дамоў Старажытнага Егіпта. Слава і пасмяротная вядомасць самога Тутанхамона не зусім заслужаныя: яго кіраванне было вельмі кароткім і не асабліва яркім. А вось яго «пасмяротнаму дому» пашанцавала больш – ён не быў разрабаваны і стаў прадметам пільнага вывучэння археолагаў разам з саркафагам, маскай і муміяй.

Тутанхамон заняў егіпецкі трон у 10 гадоў (прыкладна 1315 г. да н.э.) і памёр на дзевятым годзе царавання ва ўзросце 19 гадоў. Да 1922 году вядома пра яго было мала, і навукоўцы гэтак жа мала ім цікавіліся. Аднак пасля адкрыцця яго непашкоджанай грабніцы, муміі і скарбаў, пахаваных разам з ім, шматгадовая ўвага нягегламу нашчадку слаўнага роду была гарантаваная.

Тутанхамон памёр маладым і не пакінуў нашчадкаў, таму спекуляцыі адносна спадчынных хваробаў у яго сям'і і прычынаў яго смерці не знікаюць з часоў выяўлення грабніцы.

Падаграваліся гэтыя дэбаты і меркаваным жанчынападобным выглядам фараонаў XVIII дынастыі (акрамя Тутанхамона добра вядомы Эхнатон – муж Неферціці і першы апалагет фактычна монатэістычнай рэлігіі). Меркавалі, што мужчыны гэтай дынастыі пакутавалі на гінекамастыю (пераразвіццё малочных залозаў, выкліканае гарманальным дысбалансам), на сіндром Марфана (захворванне, якое характарызуецца парушэннямі зроку, шкілета – гіперрухомасць суставаў і інш, унутраных органаў – сардэчныя захворванні з прычыны анамальнага развіцця злучальнай тканкі) і іншыя цяжкія спадчынныя хваробы.

Аднак здагадкі грунтаваліся толькі на даследаванні твораў мастацтва, а не мумій і шкілетаў фараонаў.

Ні Тутанхамон, ні Эхнатон не мелі жаночых рысаў твару. Іх выявы «прыхарошваюць» фараонаў адпаведна рэлігійным меркаванням і паняццям «моды» таго часу.

Не мела сям'я Тутанхамона і спадчынных дэфектаў у развіцці. У самага юнага фараона была ўсё ж выяўленая хвароба Келера (астэахандрапатыя лодкападобнай косці ступні), але яна не магла сама па сабе прывесці да смерці ў такім маладым веку. А вось генетычныя тэсты на гены STEVOR, AMA1 і MSP1, якія з'яўляюцца спецыфічнымі для паразіта трапічнай малярыі, далі станоўчы вынік не толькі ў Тутанхамона, але і ў яшчэ трох мумій.

На падставе гэтых дадзеных навукоўцы выказалі здагадку, што аваскулярны некроз касцей (змярцвенне або разбурэнне тканак касцей, выкліканае недастатковым кровазабяспечаннем), ускладнены малярыяй, выклікаў раннюю смерць Тутанхамона.

У такой сітуацыі пералом нагі (вельмі верагодны пры крохкасці касцей) ад звычайнага падзення разам з малярыяй мог прывесці да небяспечных для жыцця захворванняў і смерці.

Каментары2

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

«Табе яшчэ прыйдзецца выбачыцца». Ціханоўскі адказаў Севярынцу120

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць