Свет1313

Украіна і ЗША падпісалі пагадненне па прыродных рэсурсах

Міністарка эканомікі Украіны Юлія Свірыдзенка паведаміла пра падпісанне пагаднення аб прыродных рэсурсах з ЗША. Чыноўніца адзначыла, што ў выніку атрымалася сфармаваць такую версію дакумента, якая прадугледжвае ўзаемавыгадныя ўмовы для абедзвюх дзяржаў. Міністэрства фінансаў ЗША таксама пацвердзіла падпісанне дамовы.

Фота: Bill Clark/CQ-Roll Call, Inc via Getty Images

Юлія Свірыдзенка пералічыла асноўныя палажэнні падпісанага пагаднення:

  • Усе рэсурсы застаюцца ва ўкраінскай уласнасці — гэта замацавана дакументам.
  • Інвестыцыйны фонд ствараецца на ўмовах 50/50. Кіеў будзе кіраваць фондам сумесна з Вашынгтонам, абодва бакі роўныя.
  • Дамоўленасці не змяняюць працэсы прыватызацыі або кіравання дзяржкампаніямі. Украінскія «Укрнафта» і «Энергаатам» застаюцца ва ўласнасці дзяржавы.
  • Пагадненне не ўтрымлівае згадак пра якіх-небудзь даўгавыя абавязацельствы Украіны перад ЗША і не мяняе яе курс на інтэграцыю ў Еўрасаюз. Дакумент не супярэчыць міжнародным абавязацельствам Кіева.
  • Фонд будзе напаўняцца выключна з новых ліцэнзій, даходамі ад новых праектаў у галіне крытычных матэрыялаў, нафты і газу.
  • Для працы фонду прадугледжана толькі ўнясенне зменаў ва ўкраінскі Бюджэтны кодэкс. Само ж пагадненне павінна ратыфікаваць Вярхоўная Рада.
  • Злучаныя Штаты дапамогуць Украіне прыцягваць інвестыцыі, тэхналогіі і інавацыі праз агенцтва DFC (Development Finance Corporation).
  • Даходы і ўзносы фонду не абкладаюцца падаткамі ні ў ЗША, ні ва Украіне.

Кіеў разлічвае, што першыя 10 гадоў даходы і паступленні фонду не будуць размяркоўваць, а будуць толькі інвеставаць ва Украіну. Гэтыя ўмовы абмяркуюць дадаткова.

У сваю чаргу, міністр фінансаў ЗША Скот Бесент падкрэслівае:

«Гэта пагадненне выразна дае зразумець Расіі, што адміністрацыя Трампа прыхільная мірнаму працэсу, у цэнтры якога — свабодная, суверэнная і квітнеючая Украіна ў доўгатэрміновай перспектыве».

Ён адзначыў, што краінам і асобам, якія фінансавалі расійскі ВПК ці рабілі для яго пастаўкі, будзе забаронена атрымліваць выгаду ад справы аднаўлення Украіны.

«Пагадненне ўмацоўвае стратэгічнае партнёрства паміж бакамі для доўгатэрміновага аднаўлення і мадэрнізацыі Украіны ў адказ на маштабныя разбурэнні, выкліканыя поўнамаштабным уварваннем Расіі», — сказана ў дакуменце.

Каментары13

  • Віншую
    01.05.2025
    Украіна стала яшчэ на крок бліжэй да перамогі! Слава Україні!
  • Гы-гы
    01.05.2025
    А як на конт гарантый бясьпекі і сканчэння вайны?
  • do
    01.05.2025
    Три, можа хай будзе прададзена, чым складзена і разбурана ванькамі

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

«Белтэлекам» зноў аб'явіў пра павышэнне сваіх тарыфаў

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць