Грамадства33

Кавуны, буякі і «Каралева Ганна» па рублю за кіло. Дзе танней купіць гародніну і ягады?

Ужо блізкая восень дорыць беларусам садавінна-агародніннае багацце. І калі садоўніцкія эксперыменты на асабістых участках сапсавала надвор'е, то ўраджай на рынках і ў крамах стабільна багаты. Журналісты выдання Myfin.by высветлілі, дзе больш выгадна напоўніць вітамінны кошык.

Арбузы, голубика и «Королева Анна» по рублю за кило. Где дешевле купить овощи и ягоды?
Тут і далей фота Юліі Шкуцько / Myfin.by

У якасці эксперыменту журналісты адправіліся на рынак «Новы Лебядзіны», а цэны на папулярныя пазіцыі параўналі з цэнамі гародніны і садавіны ў гандлёвай сетцы. У выніку высветлілі, дзе самыя прывабныя цэны і якія ягады цяпер на вагу золата.

І ўраздроб, і оптам

Рынак «Новы Лебядзіны» ў вёсцы Табары размясціўся за 5 кіламетраў ад Мінска па гродзенскай трасе. Гандлёвыя рады працуюць штодня, а разнастайны асартымент і прыемныя цэны кампенсуюць злёгку аддаленае ад горада месцазнаходжанне.

Яшчэ гэтае месца дазваляе напоўніцу злавіць прыступ настальгіі па «закупах» у Ждановічах. Рытм шопінгу задае баяніст, перакусіць прапануюць кукурузай «як на моры», адразу ў некалькіх месцах прадаюць квас з бочкі. Пры гэтым рынак выразна структураваны, а ад дажджу прадугледжаныя надзейныя навесы.

Сезонныя гародніна і садавіна знаходзяцца адразу на чатырох радах: А, Б, В і Г. Нават у будні ў Табарах не назіраецца недахопу пакупнікоў. Беларусы прыязджаюць запасціся гароднінай для кансервацыі і садавінай на тыдзень.

Цана тавараў пазначаная за кілаграм, але часцяком ёсць дадатковыя пазнакі, напрыклад «толькі опт». Гэта значыць, што купіць кіло персікаў не атрымаецца — аддадуць толькі скрыню. Такая ж сітуацыя з бульбай, буракамі і цыбуляй. Так што калі вы хацелі набыць некалькі апельсінаў і лімон да чаю, то ехаць у «Новы Лебядзіны» — лішняя страта часу.

Пры гэтым некаторыя прадаўцы ахвотна прадаюць ўвесь асартымент і ўраздроб. Таксама амаль у кожным павільёне ўсталяваны тэрмінал для аплаты.

Артышокі, мармеладныя дыні і, вядома, бульба

На рынку можна знайсці нават вынаходкі французскай кухні. За адзін артышок прыйдзецца заплаціць 20 рублёў, у такую ж цану абыйдзецца цыбуля-парэй.

Мінімальны цэннік на беларускую бульбу сорту «Каралева Ганна» стартуе ад 1 рубля за кілаграм. Максімум за «другі хлеб» беларусаў просяць 1,60. Цыбуля каштуе крыху танней — 1,30. Морква — ад 90 капеек.

Самы вялікі дыяпазон цэнаў і асартымент у таматаў: малінавыя, чэры, жоўтыя і сліўкі — ад 1,50 да 3 рублёў за кіло. Баклажан у розніцу аддаюць па 4 рублі за кілаграм, а оптам на 50 капеек танней. Кабачкі ўжо па 1,50, а агуркі ёсць на любы бюджэт: ад 2,70 за неэталонныя экзэмпляры да 7,50 за сярэднія з калючкамі. Перац, жоўты і чырвоны, у адну цану — 6,50. Брокалі каштуе 12 рублёў за кілаграм.

Перш чым нешта купіць, лепш вывучыць цэны адразу ў некалькіх прадаўцоў. Напрыклад, слівы можна купіць за 5 рублёў, 6,90 і нават за 7,50. Персік «Парагвай» таксама прадстаўлены ў трох цэнавых катэгорыях — 7,50, 9 рублёў і 10.

Апельсіны прапануюць за 5 і 6 рублёў, мандарыны — 6 і 7 рублёў. Нектарыны можна адшукаць за 8 рублёў, самы высокі цэннік — 11,50. Персікі прадаюць ад 6,50 за кіло да 12,50.

Абрыкосы з Турцыі можна набыць усяго за 4,50. Дыні і кавуны — па 2 рублі за кілаграм.

Буйныя буякі з Брэста — 17 рублёў за кілаграм, дробныя можна купіць нават за 14,99, пры гэтым у смаку яны не саступаюць.

Адборныя ажыны каштуюць 18 рублёў за 1 кілаграм, а маліны — 30 рублёў.

На рынку ахвотна даюць каштаваць прадукцыю, дарэчны і разумны торг.

Што па колькі ў гіпермаркеце

Сетка «Еўраопт» лічыцца даступнай па цэнавай палітыцы для вялікага кола пакупнікоў. За выгаднымі таварамі ў буйныя гіпермаркеты едуць з усяго горада. Па пятніцах і напярэдадні святаў на прылаўках красуюцца «чырвоныя» цэннікі, якія абяцаюць зніжкі.

Садавінна-агароднінны аддзел у гандлёвай сетцы напоўнены і экзатычнымі таварамі. У апошні час назіраецца багацце пладоў з Азіі. Напрыклад, можна купіць лічы, пітахаю, ці «драконаў фрукт», какосы з трубачкай і манга.

Звыклыя для беларусаў садавіна і гародніна таксама ў наяўнасці. Праўда, не заўсёды яны маюць прывабны выгляд, часцяком можна пабачыць няспелыя персікі ці заляжалыя лімоны.

Бульба ўраджаю гэтага года ў гіпермаркеце каштуе 1,29 рублёў за 1 кілаграм. Маладую моркву таксама можна купіць па выгаднай цане — 91 капейка за кіло.

Кошт перцу вар'іруецца ў залежнасці ад яго колеру: зялёны грунтавы каштуе танней за астатнія — менш за 3 рублі, чырвоны — 7,79, а жоўты — 9,56.

Таматы па-ранейшаму трымаюць цэннік вышэй за 5 рублёў, пры гэтым яны не такія духмяныя, як на рынку. Кілаграм агуркоў абыйдзецца ў 4,49.

Кавуны і дыні часцей за ўсё вялікага памеру, вядома, купіць іх атрымаецца толькі цалкам. Дыня сорту «Краснамяска» каштуе 3,79 за 1 кілаграм, «Тарпеда» — 3,99. За кілаграм кавуна прыйдзецца аддаць 1,49.

Авакада можна адшукаць на зніжцы, за два фрукты ў кантэйнеры — 8,99, кілаграм авакада — 14,99.

Параўнанне цэнаў

Наколькі «салодкія» цэны ў Табарах і ці сур'ёзная пераплата ў адным з самых даступных беларускіх гіпермаркетаў? Супастаўныя цэны тавараў на рынку і ў «Еўраопце». У табліцы цэны пазначаныя ў рублях за 1 кілаграм.

Як мы бачым, гародніна, якая ўваходзіць у «баршчавы набор», адрозніваецца па цане нязначна. А вось іншыя тавары, прадстаўленыя на рынку, таннейшыя у два, а то і ў тры разы. Самая цікавая сітуацыя з ягадамі: ажыны з крамы выйдуць даражэй амаль у 4,5 разу, чым на рынку.

Каментары3

  • даведка
    21.08.2025
    Я голубику брал по 15 рублей, а в сети «Алми» её цена в районе 37 рублей за 1 кг.
  • Андрусь
    22.08.2025
    адзінае што не падабаецца у Табарах - гэта выезд з базару. Трэба павярнуць налева, а вуліца загружаная. Небяспечна. Таварышы, гаішнікі, звярніце увагу
  • Ёсік
    22.08.2025
    ўраздроб, і оптам - тады ўжо пішыце ўраздроб і гуртам

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць