Навука і тэхналогіі11

Албанія першай у свеце прызначыла міністрам штучны інтэлект, каб сачыў за карупцыяй

Албанія стала першай краінай, дзе ва ўрад увайшоў віртуальны міністр, створаны на аснове штучнага інтэлекту. Задача бота — зрабіць так, каб дзяржзакупкі былі на 100% свабодныя ад карупцыі.

Новы «член кабінета» па імені Дзіела (у перакладзе з албанскай — «сонца») зоймецца кіраваннем дзяржаўнымі тэндарамі і будзе адказваць за размеркаванне кантрактаў, піша Devby.

Прэм’ер-міністр Эдзі Рама, які фарміруе свой чацвёрты кабінет, заявіў, што Дзіела стане «першым членам урада, які не прысутнічае фізічна, а створаны віртуальна пры дапамозе ШІ».

Задача бота — зрабіць так, каб дзяржзакупкі былі на 100% свабодныя ад карупцыі.

Тэндары ў Албаніі даўно лічыліся крыніцай карупцыі і спосабам адмывання грошай, што перашкаджае краіне наблізіцца да ўступлення ў ЕС. Цяпер працэс размеркавання кантрактаў паступова перадаецца ШІ, каб выключыць уплыў чыноўнікаў, хабар і пагрозы.

Дзіела з’явілася ў пачатку 2025 года як віртуальны асістэнт на партале e-Albania. У асістэнта ёсць аватар у традыцыйным албанскім касцюме, яна адказвае на галасавыя запыты і выдае дакументы з электроннымі подпісамі, скарачаючы бюракратычныя затрымкі.

Аднак карыстальнікі лічаць, што карупцыя ў Албаніі нікуды не дзенецца: многія жартуюць, што крадзеж працягнецца, проста ўсе будуць абвінавачваць ужо Дзіелу.

Албанія, па ацэнках экспертаў, застаецца вузлом для міжнародных злачынных груповак, якія займаюцца наркагандлем і зброяй. Барацьба з карупцыяй — адна з ключавых умоў на шляху да членства ў ЕС, якое Рама спадзяецца дасягнуць да 2030 года.

Каментары1

  • чалавек
    14.09.2025
    Людзі называюць карупцыю заганнай зьявай, хваробай. Але, шчыра і цвяроза кажучы, яна і ёсць той мэтай, дзеля якой дужыя, дзёрзкія і смелыя ірвуцца ва ўладу. Ці разумее нейрамадэлька гэтую асаблівасць чалавечай псіхалогіі?

    Калі быць паслядоўным, то трэба ісці далей - цалкам пазбавіць наш хцівы і пажадлівы біялагічны від якой-колечы ўлады. Нейрамадэлька ўжо разумее гэта?

    Дзе б знайсці, ці натрэнаваць такую мадэль, каторая не дазволіць бязглуздым прыматам пазбаўляць саміх сябе ўлады?

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

18‑гадовы аргенцінскі футбаліст памёр пасля прылёту мяча ў галаву1

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць