Грамадства22

Чыноўнік ад турызму наракае, што ў Беларусі вельмі кепскія гатэлі

Кіраўнік Нацыянальнага агенцтва па турызме Дзмітрый Марозаў у эфіры тэлеканала СТБ адзначыў, што галоўнай праблемай турыстычнай сферы ў Беларусі з’яўляецца кепскі стан нумарнога фонду гатэляў.

Фота ілюстрацыйнае

Па словах Дзмітрыя Марозава, у краіне да гэтага часу ёсць шмат гатэляў з вельмі сціплымі ўмовамі — напрыклад, па цане каля 25 рублёў за ноч, але з выгодамі на паверсе.

Такія ўстановы, якія часта адносяцца да сістэмы жыллёва-камунальнай гаспадаркі, звычайна размешчаныя ў менш прывабных для турыстаў рэгіёнах.

У той жа час Марозаў падкрэсліў, што 2025 год стаў найбольш паспяховым у гісторыі беларускага турызму з пункту гледжання колькасці наведвальнікаў. У многіх месцах, дзе можна было пасяліць турыстаў, месцаў не засталося. Але пры гэтым існуе шмат аб’ектаў, дзе прымаць людзей фактычна немагчыма з-за нездавальняючага стану нумароў.

Асноўная цяжкасць у тым, што рамонт і мадэрнізацыя патрабуюць сродкаў, якія павінны фарміравацца з прыбытку. Калі ж гатэль пустуе, то няма і грошай на яго рамонт. А калі ён запоўнены больш чым на 85%, то таксама цяжка рабіць рамонт, бо няма магчымасці закрыць частку нумароў.

Нацыянальнае агенцтва па турызме, якое нядаўна было перападпарадкавана ўраду, цяпер атрымала шырэйшыя паўнамоцтвы: яно будзе адказваць за дзяржаўнае рэгуляванне, распрацоўку і рэалізацыю адзінай палітыкі ў сферы турызму, каардынацыю дзейнасці органаў улады, прыняцце нарматыўных актаў, а таксама прасоўванне турыстычнага патэнцыялу Беларусі на ўнутраным і знешнім рынках.

Асноўныя задачы на бліжэйшыя пяць гадоў — амаль у два разы павялічыць уклад турызму ў эканоміку і давесці яго долю ў ВУП да не менш як 4,5% у 2030 годзе.

Каментары2

  • Сымон
    22.09.2025
    Не, Марозаў, галоўная праблема турыстычнага (як і любога іншага) бізнэсу ў Беларусі - гэта стан канцлагеру ў краіне. Гіды абавязаныя распавядаць не пра гісторыю Беларусі, а паўтараць нікому не цікавую лукашысцкую лухту. У Нясвіжы змянілі аўтэнтычныя беларускамоўныя вывескі на расейскамоўныя, нібыта гэта не перліна часоў ВКЛ і Рэчы Паспалітай, а задрыпаны Орск на ўскрайку Расейскай імперыі. Любы заходні турыст у Беларусі ў любы момант рызыкуе ператварыцца ў жывы тавар для абмену на змягчэнне заходніх санкцый альбо на расейскіх забойцаў кшталту Красікава. Прывесці гатэлі ў парадак перашкаджаюць не спецыфіка гатэльнага бізнэсу, а менавіта неабароненасць прыватнай уласнасці і жахлівы бізнэс-клімат, калі верхавод рэжыма прама пагражае прадпрымальнікам і прыватным інвестарам турмой за нелаяльнасць, пасля чаго раптам ставіць з ног на галаву гарантаваныя ім умовы вядзення бізнэсу, што ператварае доўгатэрміновыя бізнэс-планы ў макулатуру, а ў судзе немагчыма абараніцца ад праізволу шматлікіх назіральных органаў альбо дзяржаўных устаноў. Калі хто не памятае - блогерства Ціханоўскага пачалося пасля таго, калі ён інвеставаў заробленыя на аператарстве грошы ў вельмі нятаннае набыццё ў дзяржавы нікому не патрэбнага закінутага старога будынку ў вёсцы пад гатэль. Адразу ж пасля гэтага тыя ж самыя чыноўнікі, якія давялі будынак да перадаварыйнага стану - пачалі выкатываць прыватнаму інвестару рабаўніцкія ўмовы, што цалкам пазбавіла праект эканамічнага сэнсу.
    Марозаў, у свеце існуе шмат дабрасумленных інвестараў з грашыма, але няшмат дурняў, якія гатовыя ўкладацца ў зону, у якую Беларусь ператварыў шклоўскі вертухай.
  • Ёсік
    23.09.2025
    Сымон, лепш і не скажаш. Няма жаданьня ехаць на ніякія экскурсіі, бо ў любы момант могуць прымусіць гімн сьпяваць, а ўсялякую бздуру, калі захачу паслухаць, уключы БТ, а не з вуснаў экскурсавода, ды за ўласныя грошы.

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць