Нерухомасць11

Гістарычны будынак прадаюць за 42 рублі ва Ушацкім раёне

На пляцоўцы «БУТБ-Маёмасць» у студзені адбудзецца аўкцыён па продажы сядзібы ва Ушацкім раёне. Будынак плошчай 705 квадратных метраў, размешчаны побач з азёрамі, ацанілі ўсяго ў 42 рублі, піша Realt.by.

Сядзіба «Малыя Дольцы» знаходзіцца ў вёсцы Новае Жыццё. Статус гісторыка-культурнай каштоўнасці яна атрымала толькі ў 2020 годзе. Да 2013 года тут размяшчалася кантора мясцовага сельскагаспадарчага прадпрыемства.

Аднак калі зазірнуць глыбей у гісторыю, можна даведацца, што сядзібны дом быў пабудаваны ў 1848 годзе, а да пачатку ХХ стагоддзя сядзіба належала роду Сушчынскіх. У 1909 годзе тут была створана і пастаўлена адна з першых беларускіх п’ес — «Міхалка».

Зараз будынак плошчай 705 квадратных метраў закансерваваны. Гэта капітальнае мураванае збудаванне з падвалам, мезанінам і прыбудовай. Аконныя праёмы зачынены (закладзены блокамі), дах накрыты шыферам. Гэтыя меры дазволілі абараніць цэнтр маёнтка ад вандалізму і далейшых разбурэнняў. Побач захаваліся фрагменты старадаўняга парку.

Сядзіба размешчана ў цікавым месцы — непадалёк працякае рака Ушача, побач знаходзяцца тры возеры і лес. Да сядзібы адносіцца зямельны ўчастак плошчай 11,48 соткі, які прадастаўляецца ў арэнду тэрмінам на 50 гадоў.

Новы ўладальнік зможа выкарыстоўваць зямельны ўчастак для вядзення прадпрымальніцкай дзейнасці і размяшчэння аб’ектаў вытворча-дзелавога прызначэння, сельскагаспадарчых аб’ектаў, а таксама для будаўніцтва і абслугоўвання аднакватэрнага жылога дома.

Аўкцыён адбудзецца на пляцоўцы «БУТБ-Маёмасць» 23 студзеня 2026 года. Пачатковы кошт — 42 рублі.

Цікава, што яшчэ некалькі гадоў таму рынкавая вартасць дома складала 115 тысяч рублёў.

Каментары1

  • Ёсік
    29.12.2025
    побач знаходзяцца тры азёры і лес. Шаноўная рэдакцыя НН, выпраўце тры азёры на тры возеры.[Рэд. — Дзякуй, выправiлi]

    [Зрэдагавана]

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць