Усяго патроху55

Дзясяткі кажаноў выкінулі на снег каля гімназіі ў Салігорску. І што цяпер?

Раніцай 2 лютага ў двары гімназіі №1 у Салігорску людзі ўбачылі жахлівую карціну: на снезе, у люты мароз, ляжалі некалькі дзясяткаў кажаноў. Як яны там апынуліся — дакладна невядома.

Гімназія №1 у Салігорску і кажаны на снезе. Фота: сацсеткі «Кажанаполісу»

Але іх далейшы лёс, хутчэй за ўсё, прадказальны: у такіх умовах жывёлы не выжываюць.

Гэта не адзінкавы выпадак і не прыродная анамалія. Паводле эколагаў, такія сітуацыі ў Беларусі адбываюцца амаль штогод — асабліва ўзімку.

Экалог і экспертка Альянса «Зялёная Беларусь» Інэса Балоціна тлумачыць:

«Такія выпадкі, на жаль, сустракаюцца ў Беларусі рэгулярна. Апошні падобны інцыдэнт быў напрыканцы лістапада 2025 года ў Брэсце: каля шматпавярховіка знайшлі некалькі дзясяткаў выкінутых кажаноў. Тады было цяплей, частку з іх удалося выратаваць».

Паводле спецыялісткі, у Беларусі налічваецца 19 відаў кажаноў, 8 з іх занесеныя ў Чырвоную кнігу Беларусі і ахоўваюцца законам, ім пагражае знікненне.

Чаму кажаны зімуюць у гарадах

Узімку кажаны не лятаюць і не палююць. Яны ўпадаюць у стан глыбокай спячкі: тэмпература цела зніжаецца, дыханне і сэрцабіцце запавольваюцца, арганізм эканоміць энергію.

Для зімоўкі ў горадзе яны часта выбіраюць балконы, лоджыі, гарышчы, сутарэнні, шчыліны ў сценах.

«Падчас зімоўкі кажаны найбольш уразлівыя. Калі іх у такім стане выкінуць на вуліцу, яны загінуць ад холаду», — падкрэслівае Інэса Балоціна.

Менавіта таму фразы накшталт «яны самі паляцяць» або «мы іх проста выпусцілі» зімой азначаюць адно — смяротны прысуд для жывёл.

Выпадак у Салігорску — не выключэнне. За апошнія гады ў Беларусі фіксавалі выкідванне кажаноў падчас рамонтаў у жылых дамах, знішчэнне калоній у падвалах і на гарышчах.

Часам кажаноў удаецца выратаваць, калі людзі своечасова звяртаюцца да спецыялістаў. Але ў моцныя маразы, як цяпер, шанцаў амаль няма.

Што рабіць, калі вы знайшлі кажаноў

У Беларусі ўжо некалькі гадоў працуе Цэнтр рэабілітацыі рукакрылых «Кажанаполіс». Асабліва актыўна ён дзейнічае з восені да вясны.

Калі падчас рамонту або выпадкова ў сваім доме вы знайшлі кажаноў, не дакранайцеся да іх і не выкідайце на двор, а лепш звяжыцеся з валанцёрамі «Кажанаполіса» (у сацсетках праекта пазначаны тэлефон: +375 29 213 92 57). Там жывёл змяшчаюць у спецыяльным халадзільніку ў спальных мяшэчках, дзе яны бяспечна перазімуюць, а вясной іх выпускаюць у прыроду. 

Кажаны — не «шкоднікі», а важная частка экасістэмы. Яны знішчаюць насякомых, у тым ліку шкоднікаў сельскай і лясной гаспадаркі. Яны не агрэсіўныя і, насуперак распаўсюджаным уяўленням, не нападаюць на чалавека і не грызуць электрычныя правады.

Акрамя таго, знішчэнне некаторых відаў кажаноў — гэта парушэнне закону. За гібель жывёл, занесеных у Чырвоную кнігу, прадугледжаныя штрафы, адміністрацыйная, а ў выпадку масавай гібелі — нават крымінальная адказнасць. 

Каментары5

  • 3% у міня
    03.02.2026
    Эта очэнь палезнае жывотнае. Тупые. Летам вспомніце пра ніх, когда машкара заедаць будзет всех.
  • .
    03.02.2026
    Напэўша шмат калавых мас на гарышчы і пагроза захворванняў?
  • Воўна
    03.02.2026
    Расейцы перабілі людзей. Ад 19 стагоддзя тутака ўжо рабы жывуць:злаблівае, абасраўшаясе племя, якому насраць на тое, як здзекваюцца з іх дзяцей у патрэацічаскіх атрадах. Але гэтыя рабы з задавальннем забіваюць усё жывое, што не мае сіл ім адказаць.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»43

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць67

Сяргей Ціханоўскі абурыўся беларускай мовай Святланы Ціханоўскай96

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць