Грамадства

Дактары рыхтуюць Ксюшу з СМА да генна-замяшчальнай тэрапіі

Новы кансіліум дактароў адбудзецца ў канцы мая, фінальны аналіз будуць рабіць за мяжой, паведамляе Мінздароўя.

У стане трохгадовай Ксеніі Маісеенка, якая жыве ў дзіцячым доме пры жывой маці, назіраецца значнае паляпшэнне, паведаміла галоўная пазаштатная спецыялістка па спадчынных нервова-мышачных захворваннях у дзяцей Міністэрства аховы здароўя Ірына Жаўняронак.

Трохгадовую Ксюшу Маісеенка з СМА, якой вялізарныя грошы на «Залгенсма» экстранна збіралі валанцёры, рыхтуюць да ўвядзення генна-замяшчальнай тэрапіі, перадае БелТА.

Сёння Ксенія атрымлівае прэпарат «Рысдыплам», прыём якога пачаты з 1 красавіка. «Зараз канец месяца. Вельмі добрая станоўчая дынаміка, якая бачная нават няўзброеным вокам», — сказала Ірына Жаўняронак.

У канцы мая будзе праведзены паўторны кансіліум. Зараз дзіця рыхтуюць да правядзення генна-замяшчальнай тэрапіі. Справа ў тым, што перад яе пачаткам неабходна ўзяць аналіз на вызначэнне тытра антыцелаў да віруса. Тытры павінны быць дапушчальныя для правядзення гэтай тэрапіі, інакш вытворца нават не адгрузіць прэпарат.

Аналіз выконваецца за межамі краіны, гэта вельмі жорсткае патрабаванне вытворцы прэпарата.

У Ксюшы дыягнаставаная спінальная мышачная атрафія (СМА) другога тыпу — цяжкае генетычнае захворванне, якое патрабуе дарагога лячэння. Дзякуючы хуткаму збору сродкаў, у якім удзельнічалі звычайныя беларусы, арганізацыі і фонды, для яе лячэння ўдалося сабраць амаль два мільёны даляраў — суму, дастатковую для дарагога ўколу.

Але пасля стала вядома, што пакуль увесці яго Ксюшы няма магчымасці. Але цяпер дактары зноў даюць надзею.

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць