Грамадства22

Жыхар Мінска вырасціў у лесе куст канопляў. А пачалося ўсё з корму для папугая

У суд перададзена крымінальная справа ў дачыненні да 39‑гадовага жыхара Мінска, якога абвінавачваюць у незаконным набыцці, перавозцы і захоўванні наркатычных сродкаў без мэты збыту, піша агенцтва «Мінск-Навіны».

Фота: pixabay.com

Паводле матэрыялаў справы, летам 2025 года мужчына купіў корм для свайго папугая. Ён сцвярджае, што ў складзе корму былі насенне раслін роду Cannabis. Пасля таго частку насення ён спрабаваў прарасціць дома, але беспаспяхова.

Пасля астатняе насенне мужчына высеяў у лесапаласе ў Мінскім раёне. Праз некаторы час ён вярнуўся на гэтае месца і знайшоў куст канопляў вышынёй каля трох метраў. Расліну ён выкапаў, прывёз дадому, абарваў лісце і пакінуў яго сушыцца.

Падчас ператрусу супрацоўнікі наркакантролю знайшлі ў яго дома больш за 100 грамаў гатовай да ўжывання марыхуаны, а таксама прыстасаванні для курэння. Пасля гэтага была заведзена крымінальная справа.

Паводле пракуратуры, абвінавачаны раней не быў судзімы і афіцыйна не працуе. Яму выставілі абвінавачанне паводле ч. 1 арт. 328 Крымінальнага кодэкса Беларусі. Санкцыя гэтага артыкула прадугледжвае пакаранне аж да пяці гадоў пазбаўлення волі.

Мужчына поўнасцю прызнаў віну і раскаяўся. На час расследавання да яго ўжыта мера стрымання ў выглядзе падпіскі аб нявыездзе і належных паводзінах.

Каментары2

  • Што навяло на ператрус?
    29.06.2026
    З тэкста артыкула незразумела, якія падставы былі для ператрусу.
  • Добразычлівы сусед ці сябра
    29.06.2026
    а мы паўсюль ёсць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць