Свет11

ЗША нанеслі некалькі ўдараў па Іране

Серыя ўдараў цягнулася некалькі гадзін, а Іран, у сваю чаргу, нанёс свае ўдары па танкерах у Армузскім заліве.

Фота: U.S. Central Command via AP

Уночы 14 ліпеня ЗША пачалі наносіць удары па Іране трэцюю ноч запар, паведаміла Цэнтральнае камандаванне ЗША. Паводле інфармацыі CENTCOM, аперацыя была накіравана супраць іранскай ваеннай інфраструктуры з мэтай знізіць магчымасці Тэгерана атакаваць судны ў Армузскім праліве.

Учора Трамп заявіў, што ЗША маюць намер нанесці вельмі моцныя ўдары па Іране, заявіў Трамп.

«Сёння мы нанясём па іх вельмі моцны ўдар, і заўтра таксама нанясём па іх моцны ўдар, і яны нічога не змогуць з гэтым зрабіць. У іх нічога няма».

Амерыканскі лідар таксама дапусціў, што ЗША «даволі хутка» могуць збамбаваць іранскі ядзерны аб'ект у Натанзе.

Пад раніцу па беларускім часе Злучаныя Штаты завяршылі ўдары па Іране, знішчыўшы вайсковыя аб'екты ў шасці гарадах, вынікае з заявы Цэнтральнага камандавання Узброеных сіл ЗША (CENTCOM), апублікаванай у сацыяльнай сетцы X.

«CENTCOM закончыла апошнюю хвалю ўдараў па Іране а 22:15 па ўсходнім часе 13 ліпеня (5:15 па Мінску). Падчас пяцігадзіннай аперацыі амерыканскія войскі паспяхова нанеслі ўдары па вайсковых аб'ектах на тэрыторыі Ірана, у тым ліку ў Бушыры, Чабахары, Джаску, Канараку, Абу-Мусе і Бендэр-Абасе», — гаворыцца ў паведамленні.

Удары высокадакладнымі боепрыпасамі наносіліся па сістэмах берагавой абароны, ракетных устаноўках, аб'ектах беспілотнай авіяцыі і марскіх сродках, каб абмежаваць магчымасці Ірана атакаваць камерцыйныя судны ў рэгіёне, адзначылі прадстаўнікі амерыканскіх вайскоўцаў. Паводле дадзеных CENTCOM, цяпер на Блізкім Усходзе знаходзіцца больш за 50 тысяч амерыканскіх вайскоўцаў, якія захоўваюць баявую гатоўнасць у рэгіёне.

Трамп пазней напісаў, што знішчана да 84 працэнтаў іранскага патэнцыялу па вытворчасці ўзбраеннняў.

У тую ж ноч іранскія крылатыя ракеты атакавалі танкеры, якія належаць Аб'яднаным Арабскім Эміратам. Судны Mombasa і Bahia былі пашкоджаныя ў тэрытарыяльных водах Амана.

У выніку атакі на Mombasa загінуў грамадзянін Індыі, яшчэ восем чалавек, сярод якіх грамадзяне Індыі і Украіны, атрымалі раненні.

Адказнасць за атаку ўзяў на сябе Корпус вартавых ісламскай рэвалюцыі. Паводле версіі іранскіх вайскоўцаў, судны ААЭ адключылі навігацыйныя сістэмы, праігнаравалі папярэджанні і былі пашкоджаныя пры спробе прайсці праз забароненую зону. У КВІР таксама заявілі, што перад гэтым ЗША спрабавалі забяспечыць праход танкераў праз Армузскі праліў.

Каментары1

  • Жвір
    14.07.2026
    Ага, танкеры былі абстраляны вар'ятамі КВІР бо спрабавалі прайсьці цераз забароненую зону, увага(!), у тэрытарыяльных водах Амана... Уяўляю, дзе яшчэ Іран мог бы наабвяшчаць «забароненых зонаў» калі б атрымаў я.з.

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Мінчане купілі пустуючую хату за 2300 рублёў і вяртаюць яе да жыцця4

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі4

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць