Свет22

ЗША вырашылі скараціць маштаб вучэнняў з Паўднёвай Карэяй

Прэзідэнт ЗША Дональд Трамп заявіў, што незадаволены ўдзелам ЗША ў вайсковых вучэннях з Паўднёвай Карэяй і даручыў кіраўніку Пентагона Піту Хегсэту скараціць маштаб сумесных манеўраў.

Фота: Andrew Harnik/Getty Images 

Вучэнні Ulchi Freedom Shield, накіраваныя на стрымліванне КНДР, пачаліся ў панядзелак, піша Бі-бі-сі.

«Улічваючы мае вельмі добрыя стасункі з Кім Чэн Ынам з Паўночнай Карэі (апошні раз лідары сустракаліся ў 2019 годзе), я незадаволены тым, што Злучаныя Штаты яшчэ даўно пагадзіліся ўдзельнічаць у сумесных ваенных вучэннях з Паўднёвай Карэяй», — напісаў Трамп у Truth Social.

Ён таксама паскардзіўся, што Сеул адмовіўся далучыцца да ЗША ў вайне з Іранам.

«Я нядаўна спытаў у прэзідэнта Паўднёвай Карэі, ці не хочуць яны далучыцца да нас у справе дэнуклеарызацыі Ісламскай Рэспублікі Іран, на што яны адказалі: «Не, дзякуй!»»

«Гэтыя вучэнні не толькі каштуюць дорага — прычым большую частку выдаткаў, як звычайна, аплачваюць ЗША, — але і пасылаюць зусім недарэчны і варожы сігнал краіне, якая за час прэзідэнцтва Дональда Трампа не несла пагрозы і праяўляла павагу», — дадаў амерыканскі лідар.

Трамп сказаў, што адмяняць вучэнні, якія працягнуцца яшчэ 11 дзён, ужо занадта позна, таму ён загадаў міністру абароны «істотна скараціць» іх маштаб.

На мінулым тыдні вайсковае камандаванне ЗША і Паўднёвай Карэі правяло супольную прэс-канферэнцыю, прысвечаную вучэнням. На ёй было абвешчана, што сёлетнія манеўры маштабам не будуць саступаць вучэнням мінулых гадоў: у іх возьмуць удзел каля 18 тысяч паўднёвакарэйскіх вайскоўцаў.

У мінулую суботу прэзідэнт Паўднёвай Карэі Лі Чжэ Мён прапанаваў Паўночнай Карэі пачаць перамовы аб заканчэнні вайны, якая фармальна працягваецца ўжо больш за 70 гадоў.

«Давайце адкінем наша імкненне пагражаць адзін аднаму і, як непасрэдныя ўдзельнікі, пачнём дыскусію аб заканчэнні гэтай працяглай вайны», — сказаў прэзідэнт Лі на цырымоніі з нагоды гадавіны вызвалення Карэі ад японскай акупацыі падчас Другой сусветнай вайны.

«Дзякуючы гэтаму, магчыма, удасца абмеркаваць і эфектыўныя меры, з дапамогай якіх можна будзе спыніць развіццё ядзерных сродкаў Паўночнай Карэі», — дадаў Лі.

КНДР цвёрда заяўляе, што не мае намеру адмаўляцца ад свайго ядзернага арсеналу.

Каментары2

  • Axel Justas
    17.08.2026
    Карацей, дзе й былі ў ЗША сябры ў свеце - ўсіх руды кловун кінуў. Затое з пуцінымы, кімамі ды іншымі 'дэбіламі планеты' ў яго свет ды любоў, бо яны ж класныя хлопцы.
  • выходит так
    17.08.2026
    Axel Justas, выходит так.
    Лапидарии они такие, всюду одинаковые....

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі3

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць