Грамадства

У Гомелі паказалі бівень маманта з самым старажытным арнаментам у Беларусі

У Гомельскім палацава-паркавым ансамблі адкрылася выстава, прысвечаная 100‑годдзю адкрыцця Бердыжскай стаянкі чалавека эпохі верхняга палеаліту, піша Times.by.

Фота: Гомельскі палацава-паркавы ансамбль

Бердыжскую стаянку ў 1926 годзе адкрыў археолаг Канстанцін Палікарповіч. Яе ўзрост ацэньваецца прыкладна на 23,5 тысячы гадоў, і яна з’яўляецца адным з найстаражытнейшых археалагічных помнікаў на тэрыторыі Беларусі.

Цэнтральным экспанатам выставы стала ўнікальная пласціна з біўня маманта з выгравіраваным арнаментам. Яе знайшлі яшчэ ў 1970 годзе падчас даследаванняў Бердыжскага археалагічнага комплексу.

Доўгі час знаходка захоўвалася ў археалагічным кабінеце Гомельскага дзяржаўнага ўніверсітэта, а пазней была перададзеная ў музей. У навуковае абарачэнне артэфакт увялі толькі сёлета. Раней яго памылкова лічылі копіяй больш старажытнай знаходкі. Пасля ачысткі і рэстаўрацыі высветлілася, што гэта сапраўдная пласціна з біўня маманта.

У сабраным выглядзе яна мае 18,5 сантыметра ў даўжыню і 14,8 сантыметра ў шырыню. На яе паверхні старажытны чалавек нанёс абстрактны геаметрычны арнамент з насечак, касых крыжоў і зігзагаў.

Навукоўцы адзначаюць, што характар гэтых выяў адпавядае арнаментальным традыцыям верхняга палеаліту цэнтральнай часткі Усходне-Еўрапейскай раўніны.

Такім чынам, у Гомелі цяпер можна ўбачыць адзін з самых унікальных узораў палеалітычнага мастацтва, знойдзеных на тэрыторыі Беларусі.

Каментары

Цяпер чытаюць

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Усе навіны →
Усе навіны

«Табе яшчэ прыйдзецца выбачыцца». Ціханоўскі адказаў Севярынцу120

Міністр абароны Германіі заклікаў еўрапейцаў ехаць да Пуціна ў Маскву9

УСУ вызвалілі 14 вёсак на Харкаўшчыне. Аперацыя «Мядзведжы капкан» праходзіла ў рэжыме поўнай сакрэтнасці7

Памёр мастак Юрый Несцярук

У Івана-Франкоўскай вобласці расійская ракета прабіла дах дома, але не выбухнула ФОТА

Пад антарктычнымі льдамі знайшлі сляды гор, якія дапамаглі эвалюцыі

У Жлобінскім раёне машына наляцела на каня. Кіроўцу давялося з салона выразаць2

Пуцін заклікаў украінцаў пераходзіць «на правільны бок гісторыі»11

Рабіць вагоны для мінскага метро зноў хочуць даручыць «Штадлеру»6

больш чытаных навін
больш лайканых навін

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе6

Памятаеце бяздомнага блогера, які пасля пратэстаў перабраўся ў Польшчу? Цяпер ён жыве на Лазурным беразе

Галоўнае
Усе навіны →

Заўвага:

 

 

 

 

Закрыць Паведаміць