Эканоміка1414

«Яе не было і не будзе». Лукашэнка выказаўся пра маштабную прыватызацыю ў Беларусі

У Беларусі не будзе ні шокавай тэрапіі, ні маштабнай прыватызацыі дзяржаўнай уласнасці. Пра гэта Аляксандр Лукашэнка заявіў падчас сваёй паездкі на Абуз-Лясноўскі палігон у Баранавіцкім раёне, піша БелТА.

Фота: Alexander Kazakov / Sputnik, Kremlin Pool Photo via AP

«Я не супраць прыватнай уласнасці. Толькі я асцярожны з прыватызацыяй», — заявіў Лукашэнка.

Ён прывёў у прыклад нядаўняе абмеркаванне ўмоў перадачы ў кіраванне і наступнага выкупу прыватнай кампаніяй «Сервалюкс» гаспадарак у Дубровенскім раёне Віцебскай вобласці. Па словах Лукашэнкі, кампанія была гатовая атрымаць гэтыя гаспадаркі ўсяго за адну базавую адзінку. Ён заявіў, што не лічыць такую ўмову справядлівай, бо нават праблемныя гаспадаркі маюць жывёлу, памяшканні, трактары, камбайны і іншую тэхніку.

Лукашэнка лічыць, што пры выкупе трэба ўлічваць рэальныя актывы гаспадарак і іх даўгі, а не ставіць сімвалічную цану.

Паводле яго слоў, прыватным інвестарам у першую чаргу прапануюць гаспадаркі, якія працуюць неэфектыўна. У цэлым па краіне іх нібыта няшмат, але ў Віцебскай вобласці хапае. Лукашэнка заявіў, што рэгіёну ўжо дапамаглі з тэхнікай, дзякуючы чаму своечасова пасеялі рапс і атрымалі каля мільёна тон збожжа. Аднак, паводле яго, гэта толькі першыя крокі.

Гаворачы пра залучэнне прыватных інвестараў і перадачу ім асобных дзяржаўных актываў, Лукашэнка падкрэсліў, што палітыка ў гэтым кірунку будзе працягвацца. Пры гэтым Беларусь не мае намеру праводзіць рэзкую і маштабную прыватызацыю.

«Яе не было і не будзе», — заявіў ён.

Лукашэнка таксама сказаў, што рашэнне аб прыватызацыі дзяржаўных актываў у Беларусі фактычна прымаецца толькі з яго згоды. Ён адзначыў, што складанасць і ў вызначэнні справядлівай цаны дзяржаўных прадпрыемстваў.

Закранаючы пытанні развіцця рэгіёнаў, Лукашэнка таксама звярнуў увагу на дэмаграфічную праблему і недахоп працоўных рук. Калі ўнутры краіны не стае работнікаў, іх даводзіцца запрашаць з-за мяжы. У якасці прыкладу ён назваў грамадзян Узбекістана, якія працуюць у Беларусі.

Паводле Лукашэнкі, прыцягненне ўзбекскіх работнікаў з'яўляецца кантраляваным працэсам. Ён заявіў, што асабіста сочыць за тым, як яны працуюць, і атрымлівае станоўчыя водгукі.

Каментары14

  • усёў7ю
    11.09.2026
    Тэндэр, навошта расейскі капітал, калі ёсць УДП?
  • Барадзед
    11.09.2026
    Тэндэр, это он так зазывает в страну приватизаторов. Из-под полы предлагает гос. собственность, не публично.
  • Ёсік
    11.09.2026
    Не было й не будзе, так і ёсьць, бо ўжо даўно прайшла на карысьць зграі лукашэнкаўскай - калійка, тытунь, МЗКЦ, БелАЗ ды іншыя прадпрыемствы. Калі ўжо нажарэцца?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць