Вайна55

На поўдні Беларусі зноў запрацавалі рэтранслятары для навядзення расійскіх дронаў

На поўдні Беларусі ўздоўж мяжы з Украінай зноў пачалі працаваць некаторыя рэтранслятары, якія, паводле ўкраінскай выведкі, расійскія вайскоўцы выкарыстоўваюць для навядзення беспілотнікаў. Пра гэта ў інтэрв’ю брытанскай газеце The Times заявіў начальнік Галоўнага ўпраўлення разведкі Мінабароны Украіны Алег Івашчанка.

Вышка мабільнай сувязі, ілюстрацыйнае фота

Са слоў Алега Івашчанкі, расійскія вайскоўцы могуць выкарыстоўваць разгалінаваную сетку з вялікай колькасцю вышак і рэтранслятараў. Украінская разведка выявіла шэсць такіх аб’ектаў на поўдні Беларусі ўздоўж украінскай мяжы. Яны, як сцвярджаецца, дазваляюць перадаваць відэаплыні на вялікія адлегласці.

«На працягу некаторага часу яны перасталі ставіць іх, але цяпер мы бачым, што некаторыя рэтранслятары зноў працуюць. У нас дастаткова магчымасцяў, каб з гэтым разабрацца», — падкрэсліў Івашчанка.

Пытанне пра рэтранслятары ўзнікла яшчэ ў чэрвені. 19 чэрвеня прэзідэнт Украіны Уладзімір Зяленскі запатрабаваў ад Аляксандра Лукашэнкі на працягу тыдня прыбраць з вышак абсталяванне для навядзення расійскіх дронаў уздоўж мяжы з Украінай. Ён заявіў, што ў адваротным выпадку гэта зробіць украінскі бок самастойна.

На наступны дзень Зяленскі паведаміў, што Украіне вядома як мінімум пра чатыры такія рэтранслятары ў Гомельскай і Брэсцкай абласцях. 24 чэрвеня ён заявіў, што абсталяванне на той момант ужо не працавала, але не ведаў, ці было яно дэмантавана.

30 чэрвеня тагачасны галоўнакамандуючы Узброенымі сіламі Украіны Аляксандр Сырскі заявіў, што беларускі бок не дэмантаваў рэтранслятары, а толькі часова адключыў іх. 1 ліпеня Дзяржаўная памежная служба Украіны таксама паведамляла, што абсталяванне на беларускай тэрыторыі выключана.

Каментары5

  • Хмм
    11.09.2026
    Да шо ж такое, опять эти прокоятые невидимые ретрансляторы!
  • Барадзед
    11.09.2026
    Хмм, курощуп любит поползновения: чуть-чуть, это же ничего страшного, ещё чуть-чуть, уже дозу побольше, ну вы же ничего не сделаете.
  • .
    11.09.2026
    У мінулы раз пасля пагрозы была гісторыя з мабільнай вышкай у Парэччы Пінскага раёна.

Цяпер чытаюць

Соф’я Сапега расказала, як яе падманам знялі для перадачы Пратасевіча

Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»17

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма11

больш чытаных навін
больш лайканых навін

Соф’я Сапега расказала, як яе падманам знялі для перадачы Пратасевіча

Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць