Грамадства8282

«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск

Прэзідэнт Украіны адзначыў, што пакуль не атрымаў на яго ніякай рэакцыі ад Лукашэнкі.

Уладзімір Зяленскі. Фота: Jonathan Raa / NurPhoto via Getty Images

Уладзімір Зяленскі патлумачыў, чаму вырашыў выставіць публічны ўльтыматум Лукашэнку.

Паводле слоў украінскага прэзідэнта, патрабаванне дэмантаваць рэтранслятары для расійскіх дронаў у Брэсцкай і Гомельскай абласцях ён перадаваў праз неафіцыйныя каналы ўжо даўно. Аднак рэакцыі не было.

«Калі я нешта раблю публічна, я перад гэтым раблю пэўныя крокі па дээскалацыі непублічна. Гэта мая стратэгія. На ўзроўні разведак і вайскоўцаў Беларусь на ўзроўні кіраўніцтва атрымлівала інфармацыю: пераставайце дапамагаць рускім.

Гісторыя з рэтранслятарамі — не гісторыя ўчорашняга дня. Гэта доўгі працэс, за ім стаяць ахвяры з боку выключна Украіны. Тэхнічна яны каардынуюць і дапамагаюць расійскімі і іранскімі дронамі біць па ўкраінскім насельніцтве. Вось што адбываецца», — сказаў Зяленскі ў інтэрв'ю ТСН.

Паводле яго слоў, Лукашэнка атрымліваў гэтую інфармацыю. І ён павінен дзейнічаць, а не прасіць прабачэння.

«Лукашэнка павінен, акрамя слоў, дэманстраваць дээскалацыю. Не проста словамі «Я прашу прабачэння». Сваё «прашу прабачэння» ён няхай сабе пакіне. Яно не працуе пасля першага дня пачатку вайны. Я гэта тлумачыў праз нашу разведку і службу бяспекі. На розных узроўнях у нас ёсць кантакт.

Я яму тлумачыў: патрэбна дэманстрацыя канкрэтных крокаў. Крок нумар адзін — ніякай тэхнічнай падтрымкі. Рэтранслятары выключыць, зняць і паказаць нам, што яны знятыя. І мы закрылі гэтае пытанне», — сказаў Зяленскі.

Паколькі рэакцыі на неафіцыйныя папярэджанні не было, справа дайшла да публічнага ультыматуму.

«Паколькі гэта перадавалася ім неаднаразова, мы перайшлі ў стадыю публічнага сігналу. Калі ён не здыме — мы здымем. Гэта здарыцца за тыдзень. Або яны, або мы», — заявіў Зяленскі.

Уладзімір Зяленскі адзначыў, што пакуль не атрымліваў ніякай рэакцыі на сваю заяву. Пры гэтым яго не цікавяць публічныя словы Лукашэнкі, а толькі дзеянні. Гэта ж тычыцца і паставак паліва для расійскай арміі.

Каментары82

  • Саша Лукавы, лорд Пераправы
    21.06.2026
    Будзе імкнуцца перасядзець і гэтага
  • Очэнь сказачны персанаж
    21.06.2026
    [Рэд. выдалена]

    [Зрэдагавана]
  • Indrid Cold
    21.06.2026
    Гледзячы на прапаганду - у лукашыстаў праблемы

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць