Грамадства217217

Зяленскі: Даю Лукашэнку тыдзень

Прэзідэнт Украіны паставіў ультыматум — адвесці ад украінскай мяжы тэхніку, якая карэктуе агонь па ўкраінскім насельніцтве. «Інакш гэта зробім мы», — дадаў ён.

Уладзімір Зяленскі. Фота: Sean Gallup / Getty Images

Уладзімір Зяленскі адрэагаваў на прабачэнні Лукашэнкі, які заявіў, што «перабаршчыў» на яго адрас, і цяпер запэўнівае, што Беларусь не ўступіць у вайну.

Зяленскі сказаў, што асабістыя словы можна дараваць, але не ўдзел Беларусі ва ўдарах па Украіне.

Прэзідэнт Украіны зазначыў, што Лукашэнка кіруе краінай, якая з’яўляецца суседам Украіны: «Бяспека на мяжы для нас вельмі важная», — кажа ён.

Таму, тлумачыць Зяленскі, калі Лукашэнка гаворыць, што ён не хоча быць уцягнутым у гэтую вайну, «ён павінен быць чэсным, прынамсі перад сваім народам».

«Таму што гэта не ён можа быць уцягнутым у вайну, гэта можа быць уцягнутая цэлая яго краіна. Уцягнутая Расіяй. Яны з першых дзён гэтай вайны гэта робяць, гэта факт», — сказаў Зяленскі.

Ён згадаў пачатак поўнамаштабнай вайны, калі ракеты ляцелі з Беларусі. 

«І тады ён таксама тэлефанаваў і прасіў прабачэння, і казаў, што: «Я гэта не кантраляваў, Расія дзейнічала на сваёй зямлі». І, безумоўна, я ў гэта не веру, але… але ён пра гэта ўжо гаварыў», — запэўнівае прэзідэнт Украіны.

Ён даводзіць, што і зараз Расія будзе працягваць штурхаць Беларусь у гэтую вайну. Але Лукашэнка зараз ужо разумее, «што Украіна будзе адказваць».

«Не трэба лішніх слоў. У яго сёння на яго вышках ёсць рэтранслятары. Расійскія рэтранслятары, беларускія — якая нам розніца? На яго тэрыторыі, уздоўж дзвюх абласцей, памежных з Украінай, знаходзіцца тэхніка, якая карэктуе агонь па ўкраінскім насельніцтве. Менавіта насельніцтве! Там у нас няма зараз такога моцнага фронту, дзе Украіна і Беларусь. Забіваюць там цывільных. Там рэтранслятары на адпаведных вышках. Ён можа гэта зняць?

Для чаго словы, што ён не хоча быць уцягнутым? Хай зніме гэтую тэхніку, хай выключыць гэтую тэхніку. Я думаю, што яму тыдня будзе дастаткова гэта зрабіць. Таму што… чаму я кажу тыдзень? Таму што зараз кожнага дня праз гэта гінуць нашы цывільныя людзі, параненыя дзеці. Калі ён гэта не зробіць, зробім мы», — сказаў Зяленскі.

Ён звярнуў увагу і на беларускую нафтаперапрацоўчую прамысловасць.

«Мы робім усё, каб у рускіх не было магчымасці прадаваць нафту і даваць, адпаведна, дызель і нафту сваёй арміі. Таму што ўсё гэта выкарыстоўваецца супраць нас.

Ён сёння — галоўны пастаўшчык ці адзін з галоўных пастаўшчыкоў для расійскай арміі. Менавіта Лукашэнка, менавіта Беларусь. Можна гэта спыніць? Я ўпэўнены, што гэта ў яго сілах, і гэта менавіта ён кантралюе». 

Таксама Зяленскі згадаў удар дронам па беларускім аўтобусе ў Расіі. 

«Ну, усе ўжо прызналі, і міжнародныя эксперты, і, мне здаецца, таксама і рускія прызнаюць гэта… ці, скажам так, не адкрыта, што гэта ўдар быў не наш. Як гэта звязваюць? Вельмі проста: рускія будуць рабіць шмат розных правакацый для таго, каб уцягнуць народ Беларусі ў гэтую вайну», — дадаў ён.

Каментары217

  • But
    19.06.2026
    Дапрыгаліся халуі лукааага ў сваіх абвінавачваннях Украіны?
    Наблявузгалі сваімі нотамі?
    Мяркую што Украіна знішчыць ня толькі рэтраслятары, але і Мозырскі НПЗ да кучы.
    Яшчэ ў іх 500 мэтаў на тэрыторыі РБ сярод якіх рэзыдэнцыі перасідзента, будынкі апрычнікаў і гд.
  • Георгий
    19.06.2026
    План по смещению Лукашенко и замена его на фсбшного губернатора из москвы начал исполнятся. Зеленский и ОСЦ подключились чтобы помочь путину провести сентябрьские выборы успешно, окончательно оккупируя Беларусь рашей.
  • Дирп
    19.06.2026
    Утка? Дайте ссылку на источник

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць