Грамадства3838

Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе

Калі абмеркаванняў сустрэчы міністраў замежных справаў Польшчы і Беларусі ў кантэксце пацяплення і паляпшэння адносінаў будзе шмат у медыях, гэта можа негатыўна адбіцца на гатовасці Еўропы прымаць беларусаў і даваць ім прытулак.

Максім Рыжанкоў і Радаслаў Сікорскі, фота МЗС Беларусі

Такую думку выказаў старшы дарадца Святланы Ціханоўскай Франак Вячорка ў эфіры «Раніцы з Белсатам».

Сёлетні ўдзел беларускіх дэмакратычных сілаў у Генеральнай асамблеі ААН Франак Вячорка назваў вельмі паспяховым. Асобна ён вылучыў сайд-івэнт — міністэрскую сустрэчу на палях Асамблеі. Палітык падкрэсліў, што раней такога ўзроўню, «каб прыходзілі 12 міністраў і віцэ-міністраў», не было.

Сустрэліся прадстаўнікі дэмсілаў і з міністрам замежных справаў Беларусі Максімам Рыжанковым.

«Мы размаўлялі з аўстрыйскай міністаркай замежных спраў, бачу, Рыжанкоў выходзіць, я падыходжу да дэлегацыі, працягваю руку, ён таксама працягвае, падыходзіць метр, потым глядзіць, шугаецца, руку хавае. Кажу: «Не, ну давайце паразмаўляем. Бо Алейнік, мінулы міністр, быў вельмі адкрыты, і размаўляў, і вітаўся, а гэты проста такі баязлівы. <…>. Ён пачаў нешта там, жабракі, там са шляпай ходзіце, пабіраецеся, пачаў гэтую сваю ўсю эпапею. Кажу, давайце проста паразмаўляем. Ну вось ён і ўцёк».

На думку Вячоркі, такія паводзіны міністра паказваюць сутнасць афіцыйных беларускіх уладаў: яны хочуць размаўляць з Захадам, атрымліваць грошы, каб з іх санкцыі здымалі, а з беларусамі гаварыць не хочуць.

Адной з галоўных навінаў з Генасамблеі стала сустрэча Рыжанкова з міністрам замежных справаў Польшчы Радаславам Сікорскім.

Са словаў Вячоркі, прадстаўнікі дэмсілаў размаўлялі з Сікорскім да той сустрэчы і пасля. Як распавёў кіраўнік польскага МЗС, размова з Рыжанковым была адказам на запыт з Мінска — «яны вельмі хацелі гэтай сустрэчы, і міністр даў шанец».

«Я ведаю, што гэтая камунікацыя адбываецца пастаянна, таму няпраўду кажуць, што няма дыялогу. Але гэта такі крэдыт. Вы хочаце размаўляць? Ну вось. Хочаце фота таксама? Так, яны самі папрасілі фота і самі яго апублікавалі. Але ці гатовыя яны нешта рабіць? Таму што гэта ж не першая сустрэча. За гэты год было столькі гэтых сустрэчаў. <…>. А некаторыя кажуць, што пасля кожнай сустрэчы рабілася толькі горш. Таму паглядзім, што будзе рабіць Мінск. Бо трэба глядзець не на словы, на справы», — кажа дарадца Ціханоўскай.

У Менску выдатна ведаюць, што трэба зрабіць, каб адносіны палепшыліся, падкрэслівае Вячорка. Так, для Польшчы важныя пытанні — гэта бяспека на мяжы, мігранты, спыненне правакацыяў. Для беларусаў важна, каб вызвалілі людзей і спыніліся рэпрэсіі. Для Украіны — каб Беларусь спыніла падтрымку вайны. А Менск, як пакуль што выглядае, не хоча нічога рабіць, а хоча дыялогу дзеля дыялогу.

«Проста сустракайцеся з намі, фатаграфуйцеся, рабіце выгляд, што ў нас адліга і нармалізацыя, але рабіць мы нічога не будзем. Але ж усе ўсё разумеюць. Міністр Сікорскі гэта ўжо праходзіў шмат разоў. І 15 гадоў таму гэтае самае было, але ён хоча даць шанец. Я не думаю, што гэта сведчыць пра тое, што ўсё ідзе добра, магчыма, гэта якраз сігнал, што ўсё можа ісці ў кепскім напрамку. Таму што агульная дыскусія на ААН была пра тое, што можа быць эскалацыя, і Расея можа сапраўды вайну пашырыць. І, магчыма, гэта якраз не пазітыўны, а якраз трывожны званочак», — зазначае палітык.

На думку Вячоркі, Мінску цяпер страшна, што Расія ўцягне Беларусь у вайну, і гэта ў першую чаргу ўдарыць па Лукашэнку. Ён разумее, якія наступствы яго чакаюць, і шукае варыянты. Хоць наўрад ці ўжо мае на сённяшні дзень самастойнасць і суверэнітэт.

Дарадца Ціханоўскай падкрэслівае, што яе прымаюць на ўзроўні прэм’ераў, прэзідэнтаў у сталіцах. Сустрэча ж Сікорскага з Рыжанковым на палях — гэта зусім іншы ўзровень, «проста неба і зямля», і «Лукашэнку трэба прайсці шмат крокаў, каб неяк легітымізаваць і вярнуць сябе ў заходні свет».

Ёсць, аднак, у сустрэчы Сікорскага з Рыжанковым і пэўныя рызыкі, зазначыў Вячорка. Калі гэтай навіны і размоваў, што сітуацыя нармалізуецца, паляпшаецца, «будзе шмат у медыях», гэта можа ўдарыць па стаўленні да беларусаў у Еўропе.

«Маўляў, калі сітуацыя нармалізавалася, дык вяртайцеся ў Беларусь. А там людзей будуць саджаць. У Еўропе ж не будуць даваць прытулкі. Такая рызыка ёсць. І таму яшчэ больш важна тлумачыць, што няма змяншэння рэпрэсіяў, што палітвязні працягваюць сядзець.

Таму што ў заходнюю інфармацыйную павестку трапляюць толькі навіны, што вось памілавалі 15 чалавек. Мы яшчэ нават не ведаем, каго рэальна там памілавалі, імёнаў не маем. Але гэта навіна прайшла, і, напрыклад, міграцыйныя органы: «О, так у вас ужо там усіх памілавалі».

Таму рызыкі вялікія ёсць, і трэба яшчэ больш працаваць, яшчэ больш даносіць інфармацыю. З аднаго боку добра, што ёсць нейкі шанец, і людзі выходзяць на свабоду, з іншага боку трэба тлумачыць, што прырода рэжыму не змянілася, патрэбныя сістэмныя змены», — разважае Вячорка.

Пытанне сістэмных зменаў падымае амерыканская дэлегацыя. Джон Коўл кажа пра неабходнасць спынення заганнай практыкі, калі адных выпускаюць, а іншых саджаюць. Відавочна, што Лукашэнку ад гэтага некамфортна, зазначае дарадца Ціханоўскай.

У гэтай сітуацыі важна не спяшацца адмяняць санкцыі, мяркуе Вячорка. Калі зараз зняць усе абмежаванні, сітуацыя ў Беларусі замарозіцца — і будуць рэпрэсіі, і палітвязні. Гэтага нельга дапусціць, перакананы палітык.

Каментары38

  • Трымай клована
    26.09.2026
    Гэта ж твая праца, каб стаўленне да беларусаў замежжа не пагаршалася.
  • Зинаида
    26.09.2026
    Так Максим и не дипломат. К тому же в отличие от интеллектуальной сволочи Алейника, туповат. Кстати, максим является психопатом: громко разговаривает, возбужденно реагирует на события, эмоционально не уравновешен, абсолютно не готов к событиям -экспромтам. Поэтому и усрался, когда Вечорку увидел. Странно, что такой дурак стал министром самого гибкого министерства. Но видно сейчас спрос на дураков.
  • Рэня
    26.09.2026
    Ляпала, і сапраўлы ты ляпала. ). Вусатая сіпатая ляпала ляпала пра ўсё, што не патрэбна жыццю.

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць