Вайна22

Ва Украіне запэўнілі, што ЗША працягваюць перадаваць разведвальныя звесткі

ЗША далей перадаюць Украіне разведвальную інфармацыю. Затрымка з абвяшчэннем паветранай трывогі падчас начнога ўдару па Кіеве 13 кастрычніка была звязаная з асаблівасцямі ўзбраення, якое выкарыстала Расія. Пра гэта заявіў міністр замежных спраў Украіны Андрэй Сібіга на Варшаўскім форуме па бяспецы.

Андрэй Сібіга. Фота: AP Photo / Efrem Lukatsky

«Вы пытаецеся, ці атрымліваем мы разведвальную інфармацыю ад амерыканскага боку? Так, мы працягваем гэтае супрацоўніцтва. Сапраўды, падчас мінулай начной атакі трывогу абвясцілі са спазненнем. Але гэта звязана з асаблівым тыпам узбраення, якое выкарыстаў расійскі бок», — сказаў Сібіга.

Раней 13 кастрычніка прэзідэнт Украіны Уладзімір Зяленскі паведаміў, што падчас начной атакі пяць расійскіх балістычных ракет трапілі па цывільнай інфраструктуры Кіева. Паводле яго слоў, партнёры не папярэдзілі Украіну пра гэты ўдар, хоць такія разведвальныя звесткі «дапамагаюць ратаваць жыцці людзей, і гэта адно з самых крытычных пытанняў».

Зяленскі таксама заявіў, што Узброеныя сілы Украіны ўжо двое сутак не атакуюць расійскія нафтаперапрацоўчыя заводы і энергетычныя аб’екты пасля таго, як прэзідэнт ЗША Дональд Трамп абвясціў энергетычнае перамір’е. Пры гэтым Расія працягвае наносіць удары па энергетычнай інфраструктуры Украіны. За той жа перыяд атакі закранулі 19 рэгіёнаў краіны.

У Паветраных сілах УСУ пацвердзілі, што загадзя не атрымалі інфармацыі пра ракетны ўдар, які рыхтаваўся ў ноч на 13 кастрычніка.

«Балістычныя цэлі былі выяўленыя радыёлакацыйнымі сродкамі непасрэдна падчас атакі на Кіеў. Інфармацыя пра пускі з тэрыторыі праціўніка не паступала», — паведамілі ўкраінскія вайскоўцы.

Прэс-сакратар Паветраных сіл Юрый Ігнат адзначыў, што часам звесткі пра актыўнасць расійскай стратэгічнай авіяцыі на аэрадромах базавання не даходзяць да УСУ з тэхнічных прычын.

Раней крыніцы выдання Financial Times, знаёмыя з сітуацыяй, паведамлялі, што падчас перамоў з Украінай Вашынгтон на загад Трампа запатрабаваў спыніць атакі на расійскія нафтаперапрацоўчыя заводы. У выпадку адмовы ЗША пагражалі спыніць абмен разведвальнай інфармацыяй.

Пасланцы Трампа падкрэслівалі, што Вашынгтон застаецца надзейным партнёрам Кіева і што ўкраінскім уладам не варта рабіць крокаў, якія могуць нанесці шкоду амерыканскім спажыўцам. Раней Трамп заяўляў, што ўдары па расійскіх нафтаперапрацоўчых заводах спрыяюць росту цэн на паліва ў ЗША.

Каментары2

  • Да
    13.10.2026
    НА Украине. Ну интересно
  • І на тым дзякуй
    13.10.2026
    Аж дзіўна. Звычайна тут накідваюць абвінавачванне, а потым не зняпраўджваюць, што яно аказалася памылковым

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць